Постои мислење дека нормалниот крвен притисок е 120 со 80 и дека сите вредности над тоа се алармантни, па се препорачува преглед и контрола кај кардиолог. Но, има промени.

​
Европското Кардиолошко Здружение вовело нови упатства, според кои нормален е 140 систолен и 90 дијастолен притисок.

Проф. др. Бранко Белесилин, кардиолог од Клиничкиот центар на Србија, пред светскиот ден на срцето, за српскиот Blic дал изјава за најновите критериуми.

​
“Повеќето луѓе сметаат дека 120 со 80 е нормална вредност на притисокот. Меѓутоа, крвниот притисок до 140 со 90, односно граница која се смета за нормална.

Тоа сепак, не важи за дијабетичарите, за кои границата е 130 со 80, како и кај постарото население”, вели Белеслин.

Претходно, меѓутоа, се сметаше дека доколку некое лице има притисок 130 со 80, декатоа веќе се наоѓа во претхипертензична состојба, и дека мора да пие лекови за да не се зголеми ризикот од инфаркт или срцев удар.

​
Меѓутоа, како што сè се менува, така се поместуваат и овие граници. Во Европа критериумите за висок притисок се малку пофлексибилни, со тоа што треба да се води сметка и да се обрати внимание на пациентот за да не се појават компликации кои би можеле да бидат предизвикани од висок крвен притисок.

​

The post Мислите дека 120 со 80 е нормален притисок? Епа, вие сте во голема заблуда appeared first on Галама.

Зорана Јовановиќ, српската модна блогерка која направи естетска хирургија со која ги зголеми градите, се реши да прозборе за болките кои следеле по операцијата.

Јовановиќ иако со години зборуваше дека ги сака своите мали гради, сепак одлучи да се оперира, а потоа своето искуство го подели со илјадници следбеници на социјалните мрежи. Своето болно искуство таа го раскажа за порталот на „Блиц“.

„Првиот ден по операцијата станав од кревет за да одам во тоалет. Таа болка беше, како од десната страна некој да ми ставил некој жар. Многу ме болеше, како да горев. Првите неколку дена не можев да станам сама, мораше некој да ме турне од позади, а мене ми помагаше медицинската сестра. Ми требааа сто години за да стасам до тоалетот, а кога се вратив во кревет, мојот мозок знаеше дека веќе нема да станам тој ден затоа што многу ме заболе“, раскажа Зорана.

„Таа ноќ воопшто не спиев. Утредента, ме пуштија дома од болница, а пред тоа кога станав за да јадам, сестрата ме подигна затоа што не можев сама. Болката беше уште поголема. Солзи почнаа да ми капат. Ѝ реков на сестрата: Јас не одам никаде, морам да останам уште овде, не можам да станам, многу ме боли“, откри модната блогерка.

The post Зорана по зголемувањето на градите: Солзи ми течеа, не можев да станам appeared first on Галама.

Со измените на законското решение што го потготвува експертска група во Министерството за здравство, прекинот на бременоста може да биде и со лекови наместо со хируршка интервенција.Абортусот со таблети законски ќе им биде достапен и на жените во Македонија, објави Сител.

И други олеснувања се предвидуваат со новите измени на Законот за прекин на бременоста – жената која сака да абортира до 12. недела од бременоста нема да мора да се јави на комисии, советувања и да чека уште 5 работни дена за да размисли. Членовите на експертската група неделава треба само да ги усогласат различните ставови за абортусот од 12. до 22. гестациска недела.

Досега, терапијата за абортусот со лекови, кој може да се изврши во рана бременост, не беше достапна за лекарите зашто сѐ уште овие препарати не се регистрирани во Агенцијата за лекови.

Министерот за здравство, Венко Филипче, во изјава за Сител појаснува дека има легално решение овие лекови да им бидат достапни на лекарите.

– Ќе најдеме начини како тој лек да е достапен ако не преку регистрација, тогаш постојат други алтернативни решенија со кои може да го има во земјата. Жените да имаат уште едно право на избор, секако во консултација со гинеколог – вели Филипче.

Со новите законски измени, и за абортусот од 12. до 22. гестациска недела, според министерот, волјата на жената ќе биде на прво место. Нема да има комисија која одлучува како досега, но по барање на гинеколозите ќе има еден вид советодавно тело бидејќи на лекарот му треба и второ мислење.

За поодмината бременост – по 22. недела од бременоста, ќе има комисија од лекари од различни области кои жената ќе ја советуваат за сите слабости доколку е утврдено дека плодот е со аномалии.

Министерот Филипче нагласи дека прават европски и либерален закон кој е во интерес на жените.

Постојното законско решение е од пред пет години, а предизвика бројни реакции во јавноста, како и протести од невладините организации.

The post Филипче пресече: Абортусот во Македонија ќе биде легален appeared first on Галама.

Медицинска сестра од Хрватска собра храброст и призна дека освен над пациентите, одредени доктори се иживуваат и над медицинските сестри. Таа е едногласна и вели дека на ова мора да се стави крај.

Притоа призна дека во болниците има насилство.Раскажа дека како медицинска сестра доживеала се и сешто. Притоа потенцира дека како таа, така и други нејзини колешки молчеле поради страв од понижување и губење на работата.

„Навистина има доктори на кои треба да им се забрани да работат со луѓе. И самата сведочев на киретажа на живо кај еден пациент. Го молев докторот да и стави анестезија на жената, но тој ја штедеше анестезијата. Видов дека жената ја боли, сите му говоревме дека мора со анестезија, но тој продолжуваше и не слушаше. На крај киретажата ја одложи за друг ден со општа анестезија. Се наметнува прашањето, зошто ја малтретираше жената? Сакаше што побргу да се заврши работата“ огорчено вели медицинската сестра.

The post Медицинска сестра: Доктори, засрамете се – дајте им на жените анестезија appeared first on Галама.