На социјалната мрежа Мета, од неодамна се појави профил со името и презимето на поранешниот премиер и поранешен лидер на ВМРО-ДПМНЕ, Никола Груевски.

Но, ако се погледне подобро, името на Груевски е напишано со C, NiCola, наместо NiKola.

Патем, Груевски има своја фан страна со преку 100 илјади следбеници, преку која комуницира со јавноста.

Веројатно многумина ова не го забеележаче и му понудиле пријателство на лажниот профил, чија цел е најверојатно да дојде до политички информации, кои со него би ги споделиле во инбокс, оние кои не забележале дека профилот е лажен.

The post Не се лажете – ОВА НЕ Е вистинскиот профил на Никола Груевски appeared first on Галама.

Статус на Данела Арсовска:

„На иницијатива на Град Скопје во соработка со Министерството за животна средина, изминатиот месец, градот самостојно и во, здружена акција со Министерството изврши мерења на испустот на гасови од работењето на објект од тешка индустрија во општината Кисела Вода.

Се работи за цементарницата „Титан Усје“ од каде при извршените мерења на амбиенталниот воздух во фабриката се забележани големи концентрации на штетни честици кои значително допринесуваат кон нарушување на квалитетот на амбиенталниот воздух на целокупното подрачје на градот Скопје.

Мерењата се извршени во два наврати, и тоа на 26 и 27 декември минатата година, и 3 и 4 јануари годинава.

Во двата наврати измерени се огромни пречекорувања на дозволениот испуст на гасови и честици кои го загадуваат и нарушуваат квалитетот на амбиенталниот воздух.

Конкретно, во месец декември минатата година, измерени се три пати повеќе ПМ10 честички кои се испуштаат во атмосферата, а слични резултати добивме и при мерењето кое е извршено на почетокот на овој месец.
Станува збор за испуштање на три пати поголеми количини од дозволените, на метар кубен секој час.

Инспектори на градот Скопје во здружена акција со државниот инспекторат при Министерството за животна средина извршија увид на работниот процес во цементарницата при што се забележани сериозни прекршувања спротивни на издадената А интегрирана еколошка лиценца, која ја издава токму Министерството за животна средина.

Имено, при последното мерење, констатирано е драстичнно пречекорување на испустот на штетни честици со што се нарушува квалитетот на амбиенталниот воздух.

Дополнително за загадувањето од котларата за загревање на цементарницата утврдено е дека има надминување на граничните вредности на азотни оксиди NOx при што резултатите од мерењата покажуваат повеќе од двојно поголеми вредности од дозволените 350 милиграми односно покажуваат 711,9 милиграми на метар кубен.

Поради ова, како градоначалник на градот Скопје преземав иницијатива за покренување на кривична постапка против цементарницата „Титан Усје“ согласно член 218, член 230 и член 234 од Кривичниот законик, за непридржување кон прописите за заштита и унапредување на животната средина, со што се загадува воздух, почва, вода, во поголем обем и со што се предизвикува опасност за животот и здравјето на луѓето.

Граѓаните на градот Скопје недозволиво е да бидат жртви на профитите на неколкумина кои со децении не трујат, обидувајќи се со „донации“ по општините, коруптивно однесување и најразличен вид на влијанија да се амнестираат од одговорноста за загадувањето на животната средина од кое илјадници граѓани страдаат од бројни заболувања.

Како градоначалник со тимот во изминатата година работевме на системско решение за интегрирано спречување и контрола на загадувањето и тоа на краткорочни, среднорочни и долгорочни мерки.

Краткорочните, или популарно наречените „интервентни“ мерки од страна на градот Скопје се превземаат само по укажување на Министерството за животна средина. По добивање на известување за алармантна состојба од Министерството за животна средина и просторно планирање градот постапува согласно мерките кои се препорачуваат за заштита на амбиенталниот воздух, а во согласност со Законот за заштита на амбиенталниот воздух. Одлука од Град Скопје за превземање на краткорочни мерки следува по добиено известување од страна на Министерството за животна средина и просторно планирање.

На моја иницијатива, а заедно со секторите во градот Скопје, активно работиме и на спроведување на повеќе континуирани мерки за намалување на загадувањето во градот. Во континуитет се чистат дивите депонии, се зголемуваат субвенциите за алтернативен превоз, се воведува ред во јавниот превоз во кој повеќе нема да можат да партиципираат возила кои немаат минимум ЕУРО 4 стандарди со цел намалување нa загадувањето од овие возила.

Согласно Законот за квалитет на амбиентниот воздух Градот Скопје спроведува мерки и препораки за намалување на загадувањето на воздухот и заштита на здравјето на граѓаните:

– Зајакнат инспекциски надзор на инсталациите под надлежност на Град Скопје и правни лица со Б интегрирани еколошки дозволи

– Интезивна контрола на градилиштата, односно возилата што излегуваат од градилиштата заради контрола на прашина.

– Зајакната контрола на имателите на одобренија за доставување на стока преку Инспекторатот на Град Скопје. Воедно го повикавме Министерството за внатрешни работи да спроведе засилени контроли на правните субјекти кои поседуваат одобренија за доставување на стоки издадени од страна на Градот Скопје.

– Им се препорачува на градоначалниците на општините во градот Скопје да ги интензивираат инспекциските надзори над субјектите кои управуваат со отпадни гуми и отпадни масла.

– Министерството за животна средина, Државниот инспекторат за животна средина и општините се повикани да извршат засилени контроли над инсталациите што се под нивни ингеренции.

– Министерството за внатрешни работи да ги зајакне контролите на почитување на забраната за движење на тешки товарни возила чијашто крајна дестинација не е Градот Скопје и кои ќе се упатуваат да ја користат скопската обиколница, во согласност со поставената сообраќајна сигнализација.

– Министерството за внатрешни работи да врши зачестени контроли на издувните гасови на возилата кои учествуваат во сообраќајот.

– За енергенс или при затоплување да не се користат отпадни материјали, прегорено машинсо масло, лакирани и обоени отпадоци од дрво, стиропор, ПЕТ амбалажа, гуми и каков било синтетички материјал.

– Да се користи суво и чисто дрво без примеси од земја и отпадоци, печките на дрво да се користат и одржуваат според упатствата на производителот, редовно да се чистат оџаците.

Мерките и препораките за намалување на загадувањето на воздухот се согласно Краткорочниот акционен план за заштита на амбиентниот воздух во град Скопје .

Ги повикуваме ресорните институции во чија примарна надлежност е животната средина Министерството за животната средина и просторно планирање и Државниот инспекторат за животна средина да ги интензивираат активностите во насока на овозможување здрава животна средина и повисок квалитет на амбиентален воздух.

Градот Скопје започна со спроведување сет системски и конкретни мерки за справување со загадениот воздух и токму ова е еден од најголемите приоритети на кој ќе работи градската администрација. Овој сет на комплементарни мерки ќе придонесат за обезбедување повисок квалитет на живот за граѓаните и намалување на нивото на загаден воздух.

Во изминатата година, градот Скопје има изречено казни од 12 до 88 илјади евра за правни лица и соодветни казни против физички лица кои се затекнати како неправилно одлагаат отпад и го прекршуваат законот.

Дополнително, сакам да ја информирам јавноста и да констатирам дека за жал со оваа состојба досега никој не се занимавал сериозно. Тука сакам да ја потенцирам потребата од воведување и редовно ажурирање на регистарот на загадувачи.

Град Скопје покрај краткорочните мерки, работи и на план за имплементација на среднорочни и долгорочни мерки за заштита на амбиенталниот воздух.

Како градоначалник со тимот во изминатата година работевме на системско решение за интегрирано спречување и контрола на загадувањето, при што со анализа и активности на терен детектирани се над 1000 субјекти кои е неопходно да подлежат на интегрирани еколошки дозволи со што примарните извори на загадување од индустријата ќе се ограничат во можноста да се продолжи со истото однесување.

Со имплементација на овие среднорочни и долгорочни мерки, кои ќе се спроведуваат во континуитет, ќе се постигне подобување на состојбите, наместо да се делува со краткорочни мерки кои се интервентни и се активираат само кога проблемот е најизразен.

Имено, од 2006 година кога со Законот за животна средина е започнат процесоот за интегрирано спречување и контрола на загадување, со што се предвидува и воведување на регистар на загадувачи и контрола на издадени А и Б интегрирани еколошки дозволи, до овој момент во градот Скопје регистирани се само 30 правни лица, иако според анализите кои ги извршивме во изминатата година постојат најмалку 1.000 вакви правни лица кои морале да бидат регистрирани и соодветно контролирани.

Оттука најавувам, и едновремено апелирам до сите компании кои имаат обврска според овој закон, во наредните 30 дена да достават елаборати за управување со загадувањето и да аплицираат за Б интегрирана еколошка дозвола. Градот ќе ги превземе сите законски можности и нема да амнестира никој кој ќе биде затекнат дека врши дејност без соодветната еколошка дозвола и со тоа го нарушува квалитетот на животната средина и го загрозува здравјето на скопјани.

За оваа година, согласно најавените мерки, најавуваме засилени контроли и зголемена ефикасност на градскиот инспекторат.

Крајно време е, по три децении, да се стави ред и да се посветиме на тоа сите во Скопје да имаат повисок степен на квалитет на живот.“

The post Данела почнува да пушта пријави: Не може скопјани да трпат, поради некои кои прават пари appeared first on Галама.

Деновите пред Нова година, во јавноста се отворија коментари, по наводите на новинарот Бранко Героски, дека поранешниот лидер на СДСМ и поранешен премиер Зоран Заев, има план да го смени лидерот на СДСМ Димитар Ковачевски.

Уште повеќе, во наводите се истакнува дека Заев имал договор со опозициската ВМРО-ДПМНЕ, за поделба на власта, по евентуалните предвремени избори, со тоа што победникот на изборите би дал премиер, а Зоран Заев би станал претседател.

Вчера на својот шпрофил на социјалните мрежи, Зоран Заев ги демантираше ваквите наводи.

„Изминативе денови, различни центри (и суетни, и кр им-инални, и комбинации од двете, на кои им се приклучи поранешниот премиер и бегалец од правдата Никола Груевски) ме споменуваат во различни конотации.

Од тоа дека ќе сум правел пуч во СДСМ, до тоа дека ќе сум бил кандидат за Претседател на Република Северна Македонија, со заедничка подршка на СДСМ и ВМРО-ДПМНЕ.

Во повеќе наврати изминатиот период кажав дека немам политички амбиции и би сакал уште еднаш да ги демантирам ваквите инсинуации за мое повторно политичко ангажирање.

Јас нема да поднесам ниту ќе прифатам кандидатура за Претседател на државата.

Како претседател на СДСМ ја обединив партијата. А, обединетиот СДСМ заедно со граѓаните урна режим и тоа баш кога тој режим беше најсилен и најразулавен. Јас никогаш нема ниту да помислам да го делам СДСМ, ниту да правам некаков си измислен пуч во СДСМ или било што слично.

Доказ за тоа е моето осум и пол годишно раководење со партијата како и државните и изборните победи што ги освојуваше обединетиот и сплотен Социјалдемократски сојуз на Македонија, заедно со силното граѓанско општество…“ напиша меѓудругото Заев.

Поранешниот премиер и поранешен лидер на ВМРО-ДПМНЕ, Никола Груевски му одговори со статус:

„Пред малку ми јавија дека Заев нешто објавил на социјалните мрежи каде неколку пати ме спомнал.

Веднаш си помислив дека дал некаков одговор или објаснување за кр ими налот на владата под негово водство со ОКТА, Иловица, Казандол, Фени, клинички Центар, Аеродромот во Штип или нешто друго за кое неодамна пишував.

Се испостави дека ќе морам по втор пат еден мој фб статус да започнам со легендарната мисла на славниот основач на психоанализата Зигмунд Фројд кој вели:

“Првиот знак на глупоста е целосното отсуство на срам”, напиша, меѓудругото Груевски.

Политичкиот аналитичар од Прилеп, Даме Чкатроски, како што рече, по анализата на последните десет статуси на Никола и Зоран, го донесе следниот заклучок:

„Ако човек направи мала анализа на последните 10 поста на Груевски и на Заев..Нема да кажам што, само едно-На страна од овие што подалеку, мирен живот и добри мисли.

Чутете читам.Грујо му одговори на Зоки .Зоки нападна феноменално ,Грујо му врати бриљантно..ЈОЈ ДВАЈЦАВА ..Теткици!“

The post Даме Чкатроски: Направив мала анализа на постовите на Зоран и Никола и имам едно да кажам – што подалеку од овие двајца appeared first on Галама.

Во понеделник, на 8 ноември 2021 година, во Националната галерија “Даут Пашин Амам”, со почеток од 19ч, ќе одржи концерт триото “Анимато”.

Концертот е со програмски наслов “Магична ноќ”, според концептот на разновидната програма, која има за цел да допре до сите слушатели и да одговори на нивниот вкус.

Триото “Анимато” е во состав, м-р Светлана Димитриевска – пијано, м-р Даниела Неделковска – флејта, м-р Симона Марочковска – Манојловска – флејта. Сите три се истакнати педагози и уметници во ДМБУЦ “Илија Николовски – Луј”.

На програмата се дела од: Доплер, Моцарт, Кулау, Делибе, Бизе, Чајковски, К.Гардел, Пјацола и Виталија Неугасимов, чие дело ќе ја доживее својата праизведба во Р.С.Македонија.

Концертот е поддржан од Министерство за култура.

The post Концерт на триото „Анимато“ во „Даут Пашин Амам“ appeared first on Галама.

Во јуни оваа година, силно полициско обезбедување почна најавуваната акција за отстранување на неле-галните градби и урбана опрема од плажите во градското подрачје на Охрид. За почеток се отстранија и демонитира платформата во езерото пред „Куба Либре“, една од најатрактивне плажи и локации на источниот брег на Охридското Езеро.

Акцијата беше очекувана со оглед што уште пред една седмица во близина на неколкуте плажи зад мостот на Студенчишкиот канал кај Охрид беше распоредена механизација, а вчера сите објекти во тој дел беа искучени од системот за нанпојување со електрична енергија.

Градоначалникот на Охрид Константин Георгиески неодамна најави дрка ќе се отстрануваат сите неле-гални објекти и градби од сите плажи на кои им се истечените договорите за концесија, вклучувајчќи ги и петте што влегуваат во опфатот на ГУП-от.

Маријан Маловчев, менаџер на „Куба Либре“ вели дека тие како субјект немаат никаква вина за ситуацијата, концесијата на просторот е платена до 2021 година, а сето она што е изградено од нивна страна е според проект одобрен од надлежните институции уште во 2007 година.

Од општина Охрид е најавено дека акцијата ќе ги опфати сите пет плажи што се опфатени со Генералниот урбанистички план, односно „Куба Либре, „Кадмо“, „Бела Виста“ како и „Канео“„ и „Потпеш“.

По повод платформите на кои беа угостелските објекти, на својот Фејсбук профил, денеска порака упати министерката за култура Ирена Стефовска која напиша:

-Како претседателка на Националната комисија за УНЕСКО сакам да потсетам дека оние градби на брегот и оние платформи во вода не смеат да му се повторат на Охридското езеро.

Туризмот воопшто не зависи од постоењето на такви објекти, напротив. Одамна не сме го виделе толку чисто најубавото и најстарото ејзеро во Европа.

Градоначалникот Константин Георгиевски со огромен ризик и под голем притисок сепак ги урна објектите кои од година во година стануваа сè поголеми. Тие не само што го сардисаа брегот, не само што го загадуваа езерото, туку ја загрозија и егзистенцијата на угостителите кои ги почитуваат правилата.

Ветувањето дека повторно ќе се издаваат концесии за плажите е злосторство во најава кон Ејзерото !

Планот за управување со Охридскиот регион предвидува издавање на концесии за некои плажи, но само со урбана опрема, а не како објекти.

Охриѓани мои, со предизборна леснотија‭ ни даваат ветувања кои потоа стануваат наша ‬ заедничка беља. Затоа, опулете се кој зборвит и уш појке шо зборвит. Да не биде потоа – проштавајте, не
знаевме.

На Фејсбук страницата пак на Куба либре, објавија слика од овој дел од градот кој откако не работи објектот, сега е празне, и напишаа:

Куба либре некогаш, на една постара слика, а на понова: Охрид во октомври, на којс е гледа големата разлика на ова место порано и сега.

The post Опулете се ваму: Се огласи минстерката за култура по повод дивите платформи, а се јавија и газдите на „Куба либре“ (ФОТО) appeared first on Галама.

Утре се отвара „Ист Гејт Мол“ најголемиот трговски центар во Македонија и во регинот од утре официјално стартува со работа.

На неколку ката и на површина од 160 илјади метри квадратни над 200 продавници ќе ги отворат вратите за купувачите.

Од раководството на „Ист Гејт Мол“ најавуваат дека понудата е креиранат по вољата на потрошувачите и затоа многу нови европски и светски елитни брендови кои отсега ќе бидат достапни за граѓаните како и сосема ново и различно искуство и дожувавање на шопингот, објави Телма.

Посетителите ќе може да уживаат во широката понуда на продавници, кафетерии, ресторани, но и во големиот број на услуги како центар за убавина и козметика, фризер, бербер, центар за разубавување на миленичиња, како и забавни активности: кино, игротека, фитнес центар и друго.

Со цел да се постигне уникатна содржина, како еклузивен лизинг агент беше ангажиран тимот на специјализираната консултанска компанија за недвизности “Cushman&Wakefield/FortonMKA“ кој заедно со тимот на Ист Гејт Мол интензивно работеше на миксот од 250 интернационални и локални брендови во последните три години“, објави Фактор.

Целиот комплекс „Скопје ист гејт“, според проценките, треба да чини 350 милиони евра, а самиот мол е инвестиција од 103 милиони евра.

Групацијата „Балфин“, сопственост на албанскиот бизнисмен Самир Мане, е позната по тоа што го изгради „Сити мол“, за да потоа во 2016 година го продаде на британската компанија „Хстед“ за 92 милиони евра.

Во 2017 година се обзнани дека на местото на Скопски саем ќе гради голем станбен, деловен и трговски комплекс. Во сопственост на компанијата на Мане е и синџирот „Нептун“, кој е добро познат на македонската јавност.

Кој е Самир Мане, сопственикот на „Балфин груп“? Балканската финансиска инвестициска групација (БАЛФИН) е основана во 1993 година во Виена од Албанецот Самир Мане. Групацијата работи во Австрија, Албанија, Косово, Босна и Херцеровина, Црна Гора и во Македонија. Според неревидираниот финансиски извештај за 2020 година, нејзините вкупни приходи лани биле 639 милиони долари“, пишува Независен.мк.

Во првата година се очекуват дури 12.000 посетители да влезат во продавниците на „Ист гејт“. Овие податоци пак, иако отворено не зборуваат, ги загрижуваат останатите молови во државата. Ова пак го отвора прашањето – дали прометот од едните ќе се префрли кај „поголемиот брат“. Според сознанија на Независен, еден трговски центар ја намалил киријата за да не му заминат брендовите.

Вчера беше ВИП забавата по повод на отварањето на молот, и беа релчиси сите политичари и познати личности. Каролина Гочева, стилистот Дадар беа дел од нив, тие објавија на сториња на Инстаграм.

Зоки Фаци пак објваи слика со Лила Филипвоска и напиша: Шопиг за ВИП, што знаи дека и тие биле на отварањето.

Но, една гостинка, всушност домаќиника беше главна на оваа ВИП забава, а тоа е водителката Елена Стојановска од Сител која ја имала честа да го води овој настан. Таа на Инстаграм напиша: Ми беше чест што бев водител на вашето официјално отварање. Ви посакувам многу среќа.

The post Сите познати беа на отварање на „Ист Гејт Мол“, само една беше главна, еве и зошто (ФОТО) appeared first on Галама.

Еден од попознатите нмакедонски фоторепортери е Роберт Атанасовски, чии статуси на социјалните мрежи се секогаш коментирани и споделување, како и неговите авторски фотографии секако.

Aтанасовски неодамна даде свое мислење за шпанската хит серија „Куќа од хартија“ или позната како La casa de papel и тој откри колку всупност ова остварување му се допаднало и му оставило впечато, што беше објаснето на овој начин:

– Почнав да ја гледам La Casa de Papel минатата недела , малку подоцна од другите, откако излезе петта сезона и откога видов општо одушевување тука на ФБ. Ми остана уште три епизоди до крај и да ви кажам право едвај чекам да ги догледам. Ваквите серии (не се многу) ми прават по малку опсе сивено-анкс иозно чуство и не можам да го дочекам крајот-што му доаѓа како некој вид на олеснување.

За авторот секоја чест,- јас такви заплети и во исто време генијални расплети не сум видел – И такво кокетирање со реалноста која ја живееме во моментов. Би можеле десетина Холивуски блокбастери да се снимат со она што го видов. Серијава е феномен на некој начин“, изјави Атанасовски.

Фотографот влчера известуваше од локалните избори, тосет беше на терен да фотографира и на Фејсбук го пренесе своето искуство како поминал на изборниот ден вршејќи ја својата работа. Тој на Фејсбук објаавил:

-Краток филм за избори. Одам да фотографирам ко и увек и се пријавивам во изборна комисија ко што е редот и шефицата ми вика-ама јас не сакам да се фотографирам!? Абе како не сакаш!!?- И кажувам океј луѓево, (мада сите се со маски) што гласаат/можда некој не сака, ама шеф на изборна комисија да не сака!?

– Викам земаш пари за ова-,вика земам-епа викам мораш да се сликаш ако не што не си кажала па да дојде друг на твое место. Дига рамења и спушта глава-нејќе да се слика!! ОК-Си отидов од таму, џабе времето го губев. Идемо даље на друго место друга училница:

Ми бара лична карта шефицата, викам океј и давам, и место да запише или да ја поглрдне, зема да ја фотографира!?? И викам абе кај ве учат вакви работи а да земам јас твојта да ја фотографирам-може?// МИ вика абе не знам – извини.!!? Поима нема, не знае ниту има абер со протокол со ништо. И викам кој курсеви сте ги поминале за ова не ми е јасно.!?

Капак на се у двор сликам општа слика и нормално ги фаќам полицајците у кадар, колку симболично да се види дека има полиција. Абе не дојде џандарот да ми зема податоци до шесто колено и у шест тефтери ме запиша. И се затоа што сум завртил камера према нив..

И нив бре кој ги учи така да се понашаат, се осеќав ко најголем крими налец, ми земаше пола саат податоци, ај што ми зема време ме фати срам малку. И капак на се ми вика

– Абе јас на сите новинари им земам податоци. А нема везе ги прашав другите. Значи тотално луд – ј… збуњеног работава. Никој не знае што прави! (сите се фотографирани и џан дарите исто ама ср ам ми е да ги објавувам)“, објави тој.

The post Наш познат фоторепортер: Ми земаа податоци до шесто колено на избори, не можев работата да си ја завршам (ФОТО) appeared first on Галама.

Професорот Дејан Трајковски со денешната анализа, објасни колку помогнала имунизацијата за намалување на бројот на поч инати, но и што во случај да бевме сите имунизирани:

„15.10.2021. Во неделата од 08.10 до 14.10.2021, сосема очекувано, продолжи да расте учеството на вакцинираните кај новодијагностицираните (портокаловата линија на првиот дијаграм), како што расте опфатот со вакцинација кај населението (портокаловата линија на вториот дијаграм).

Кај смp тните случаи има поголема варијабилност, но исто така трендот е генерално нагорен.

Инциденците на заразување кај вакцинираните и невакцинираните оваа недела изнесуваа 180, односно 234 новодијагностицирани на милион луѓе дневно, што дава ефективност против заразување од 23% (портокаловата линија на третиот дијаграм).

Падот на ефективноста најверојатно е експоненцијален, односно намалувањето е сé побавно со текот на времето.

Инциденците на смp тн-ите исходи кај вакцинираните и невакцинираните, постари од 60 години, изнесуваа 17 и 139 починати на милион дневно, што неделава дава ефективност против смp тен исход кај постарите од приближно 88%.

Во сите пресметки е сметано дека вкупното население изнесува 1,8 милиони жители. На вториот дијаграм опфатот со вакцинација кај постарите од 18 години (за пресметка на ефективноста против заразување) е од пред 14 дена, а кај постарите од 60 години (за пресметка на ефективноста против смртен исход ) од пред 24 дена.

Ова е направено за да се доведат во корелација последните заразени и поч инати со тогаш вакцинираните.

Од почетокот на Делта сојот до денес во земјава поч инале 1.396 лица. Доколку никој не бил вакциниран би починале околу 2.980, а доколку сите биле вакцинирани со постоечкиот микс од вакцини би починале околу 337 лица.

Во Македонија вакцините го намалиле леталитетот за околу 8 пати, а морталитетот за околу 2,1 пати (второто поради слабиот опфат со вакцинација, ако биле сите вакцинирани морталитетот би бил намален за 8 пати ).

Ова важи за Делта сојот. Слушаме од светот дека вакцините го намалувале леталитетот за 20 пати, но така било пред доаѓањето на Делта сојот, како и со поефикасни вакцини. Исто така, некои земји веројатно даваат и лажни податоци.

Во секој случај, нашите броеви изгледаат реално, барем со овие вакцини и Делта сојот на вирусот.

Инаку неделава бројот на целосно вакцинирани возрасни (748.563) речиси се изедначил со бројот на невакцинирани (751.437), како то се гледа на четвртиот дијаграм.

Иако бројот на вакцинирани точно се знае, бројот на невакцинирани, во услови на непрецизен и политизиран попис на населението, можеме само да го процениме од бројот на вкупно и возрасно население (претпоставено е 1,5 милион возрасни од 1,8 милион вкупно население).“

The post Битолскиот професор Трајковски објасни колку луѓе се спасени со имунизацијата appeared first on Галама.

Бројни се апелите од медицинските лица, пред сите докторите, да не се верува на сè што ќе се прочита на интернет, туку информациите да се добиваат од оние кои за тоа со години учеле. Во таа насока и овој прекрасен статус на доктор Петар Кузмановски од Прилеп, кој на пластичен начин објасни што е имунологија и имунизација:

„Па, еве ден пред моето враќање со работа во модуларната болница добив потреба, после повеќе од година, да напишам нешто јавно… Не дека досега чував некоја државна тајна, едноставно немав потреба јавно да се испразнам.

Ама после 2 месеци работење превентива од COVID-19, односно работа во регионалниот вакцинален пункт, па и теренска вакцинација во околните села, некако поинаку го доживувам враќањето во модуларната болница… Кај средно-тешките пациенти, позитивни на COVID-19.

Дали знаете дека на медицински факултет, во трета година, најтешкиот предмет се вика Имунологија?

За тие што не знаат, тоа е предмет којшто го изучува имуниот систем на човекот со сите свои анатомски и физиолошки карактеристики. Дали знаете дека мои колеги запишувале квадрат, на тој квадрат уште еден квадрат, а некои се откажале од медицината и продолжиле да студираат друг факултет.

Тоа е затоа што предметот е услов за да започнеш со клинички предмети и затоа што предметот е страшно обемен.

Е сега… Дали јас и моите колеги и моите професори, можеме да го објасниме процесот на имунизација во 3-5 минути на човек кој нема основни познавања од медицината? Дали може да ви се објасни процес, којшто се учи три години, во 5 минути?

Дали може јас да ви објаснам создавање на антитело кога вие не знаете ни што е тоа?
Некни купував LED плафонерки и касиерката ми објаснуваше како се поставува истата.

“Нема потреба да ми објаснувате, мајсторот што ќе ги мести знае.” и одговорив. И додека ги местевме со мајсторот, тој ми даде инструкции да ја исклучам струјата, па ми кажуваше каде се спојувале фаза со нула….

И вака јас бледо го гледав со сите тие собрани информации без ништо да ми значат, ама на крајот на работата, истата светеше.

Задоволен од сработеното, еве уште си живеам без да знам што е фаза, што е нула и зошто ја гаснев струјата дури работеше. Претпоставувам за да не го удри струја, ама верувај, еве сум уште среќен и весел без да знам шо точно тој сработи. И така низ муабет ме праша како е на работа, а јас му реков искрено не сакам да разговарам.

Не дека сум безобразен, туку ми беше страв дека ќе сака да му објаснам како делува вакцината, а тој нема познавања од медицината и немам доволно време во тие 10тина минути да му објаснам, како што тој нема доволно време во истите 10тина минути да ми објасни струјно коло. Затоа си правевме муабет на други теми.

Луѓе…. Ако медицината беше едноставна како што ја замислувате, тогаш немаше да биде човекот толку совршен.

Проблемот е што ние како луѓе секогаш сакаме да си ги објасниме нештата околу нас, но одговорот е таков, колку што нашиот интелект дозволува.

Пред 1000 години луѓето верувале во леприкони, затоа што не знаеле да го објаснат виножитото како оптички феномен. Ама имале доволно познавање дека златото сјае, па џуџево го има отворено ќупчето со злато затоа вака свети на небото.

Глупав човек е тешко да го контролираш, затоа што е глупав, не можеш да се потпреш на него за да ги изврши инструкциите како што треба нели?

Паметен човек исто така не можеш да го контролираш, затоа што ќе ти ги открие намерите. Ама затоа човек којшто има интелектуален капацитет, но поради околностите на животот, не го искористил максимално, па сега има читнато, ама нема дочитано… Него ќе го контролираш…

Затоа што ќе му ги потполниш недостатоците во неговото познавање со тоа што ти сакаш да манипулираш. И така… теории на за говор.

Јас утре ќе се вратам во модуларната болница и ќе продолжам да ја работам работата што ја сакам, на која што сум посветил 10+ години, заснована на наука.
Вие бидете ми добри, здрави, дај боже да не се разболите, па да не треба да се видиме пред инфективна амбуланта.

До тогаш, ве оставaм со мислата на мојот омилен човек Neil DeGrasse Tyson: “На науката не и гајле за твојот став и мислење, науката се заснова на факти и закони”.
И вакцинирај се, не биди ко тие третите… Што читале ама не дочитале.

PS. Чипот за следење не ти е во рамото, туку го носиш во џебот, а можи и ова го читаш со него.“

The post Д-р Кузмановски: Во трета година се полага најтешкиот предмет, имунологија – дали на лаик можеш да му ја објасниш за 3 минути имунизацијата? appeared first on Галама.

Битолскиот професор по Механика, Дејан трајковски, синоќа во неговата неделна анализа на ковид бројките, напиша:

„22.08.2021. За денеска една добра и една лоша вест. Добрата вест е дека во последниве седум дена забележуваме голем пад на преносливоста, односно ефективниот репродукциски број нагло опадна на само Rt = 1,33 ± 0,36, што можеби сигнализира побрзо настапубање на врвот и пониски максимални дневви броеви од вчера прогнозираните.

Не се должи ова само на малите викенд-броеви, туку целата измината недела забрзувањето се намалувало.

Понеделнички броевите ќе бидат мали, па откако ќе се стабилизираат тестирањета, од вторник натаму ќе имаме подобра слика.

Лошата вест се однесува на бројот на активно хоспитализирани. Најпосле во неделните извештаи на ИЈЗ, коишто се објавуваат понеделнички, ги пронајдов броевите на активно хоспитализирани, ажурирани неделно (сината линија на вториот дијаграм).

Како што знаеме, бројот на хоспитализирани е поврзан со бројот на активни случаи, официјални и реални (црвената и жолтата линија), преку стапката на хоспитализација.

Користејќи стапка на хоспитализација од 11%, забележуваме дека сината линија практично се поклопува со црвената и жолтата сé додека има места во болниците.

За време на претходните врвови, кога болничките капацитети биле преполнети, се појавувал процеп помеѓу сината и црвената (како и жолтата) линија.

Засега нема проблем со капацитетите, па што е тогаш причината за загриженост? Проблемот е што десниот крај на сината линија ги прикажува броевите на хоспитализирани заклучно со минатата недела.

Во меѓувреме бројот на активни случаи (црвената линија) драматично се искачи. Ова значи дека утре е сосема моѓмо да слушнеме дека бројот на хоспитализирани е преку 1.000.

Да бидеме поконкретни, од 11.106 активни случаи, при стапка на хоспитализација од 11%, би требало да видиме вртоглави 1200 хоспитализирани, за да може сината линија да држи чекор со црвената.

Во пролетниот бран првите проблеми со хоспитализациите се појавија при околу 1.400 хоспитализирани, а крахот на ковид системот настапи при 1.800 хоспитализирани. Ако утре видиме 1.200 (или барем 1.000), тоа би значело дека веќе опасно се приближуваме до границата на издржливост на ковид системот.

Со ова темпо на додавање активни случаи, за една недела можеме да дојдеме до критичната точка, доколку се хоспитализира со ова темпо.

Олеснување единствено може да донесе пад на бројот на новозаболени во северозападниот регион, а новите случаи да започнат да доаѓаат од регионите со подобар опфат со вакцинација, каде нема да има толкава потреба од хоспитализација.

Со нетрпение го очекуваме неделниот извештај на ИЈЗ под наслов: „СОСТОЈБА СО COVID-19 ВО РЕПУБЛИКА СЕВЕРНА МАКЕДОНИЈА, период 16.08-22.08.2021“, за анализа на хоспитализираноста. Во секој случај, ситуацијата станува загрижувачка.

The post Битолскиот професор Трајковски со една добра и една лоша вест appeared first on Галама.