Статус на д-р Илчо Ефкоски: „Не можам да разберам истовремена одлука да не се вакцинирам, заедно со барањето да не се воведат ограничувањата наметнати од пандемијата.

Вие као тие јаките сте? Имунитет имате? Многу се пазите? Истово важи и за вакцинираните. Мислите сега сте безбедни од сите микроорганизми?? Мислите сте имуни на сите следни мутанти?? Што ви е бе? Маската на вас и мијте раце. Не е само САРС-КоВ-2, стомачни вируси ве потепаа..

Не можам а да не се чудам на муабет кога мој пациент ми вели дека немало да се вакцинира бидејќи “едноставно не сакал, не верувал во вакцините”.

Каков муабет е ова? Деца не сте, одамна. Што доаѓаш на доктор ако не веруваш во медицина? Ние будали сме, сакаме да ве ув иеме? Што сме ние, платеници? Ај бе сиктер.

Не можам да верувам дека ПАЗИ ОВА – зетот и невестата дошле да примат инфузии да се освежат пред свадба, испиле парацетамол од дома непријавиле на доктор дека воопшто имаат температура, свадба цела си истерале со сите салтанати.

Направиле дома брзи тестови, позитивни цела фамилија, ама не биле точни тие од аптека сами ги купиле и ниеден не проверил ПЦР.

Да не биде ова доволно, братот со фамилијата дел од позитивните, после свадба веднаш заминале на одмор во хотел Албанија. Немаше ништо да дознаеме, зетот да не заврши на инфективно одделение со пневмонија. Сега се чекаат следните за хоспитализација, веќе доста се позитивни од таа свадба.

Иако многу вакви поединци не се сметаат себеси за антиваксери, нивната неактивност е одлука да не се заштитат себеси или своите семејства, но и останатите во заедницата, државата, пошироко.

Преку неактивност ќе дозволат пак да се исполнат болнички кревети, да дозволат да просперираат нови варијанти, како и директно да ги загрозат здравствените работници, хронично болните или имуносупресирани луѓе околу нив.

Поради вашата неактивност, вработените во здравството пак да го преживуваме хо рор-от? Не е фер, ама ич не е фер.

Особено што вакцините се безбедни! Ова ви е гарантирано од сите! Само мал процент не смее да ги прими. И да, вакцините можеби нема да ги спасат сите луѓе на планетата од Ковид-19, но ќе спасат многу. Секако ќе намалат потреба од медицинска грижа и нега на болни лица по болниците.

Можеби не се “ФФП3”, но секако се “трослојна маска”. И таа намалува ризик во одредени ситуации.

Неактивноста на луѓето е одлука да се дозволи оваа пандемија да продолжи да беснее. Во секоја смисла пандемиска неактивност, од лична хигиена до вакцинација. Трагедија е кога истите потоа ми плачат. Терајте де, нели сте попаметни, повеќе разбирате како да се заштитиме и колку е опасно.

Не знам колку пати повторивме. Лек за лекување Ковид немаме, а вакцините се примаат навреме!

Не, тие можеби нема да спречат да си позитивен, ама па без нив многу ти се поголеми шансите да си позитивен на тест!

Во комбинација со соодветна маска, вакцинираните сте во безбедна позиција и во ризичен затворен простор.

Ако се чудите зошто вака пишувам, прочитајте го текстот уште еднаш, два пати, шест ако треба. Ако и после тоа се чудите, јавете се да ви објаснам директно. Одете бре вакцинирајте се сите кои можете!! Трудници и останатите ризични категории побрзо!!

И сега, ако јас вака мислам, знаете ли како мислат оние кои до вчера гледаа тра гед -ии додека вие го ладевте .. пивото ..

Колку ли мислите ќе падне мотивацијата да се борат здравствените работници за вас.
Полека но сигурно се губи емпатијата кон игнорантите и манипулантите.

Вакцините не се лек за пандемијата, но тие сепак се дополнителна заштитна алатка!
Зошто барате појаси, воздушни перници, силна каросерија, браник, АБС, ЕБС и секакви други заштити, кога имате кочници во кола?

Повеќе слојна заштита!!! Само таа може да ви гарантира понизок ризик од Ковид-19“

The post Д-р Илчо Ефкоски: Зет и невеста од Тетово, знаеле дека се позитивни, ама ја истерале свадбата appeared first on Галама.

Денес со почеток од 16 часот започна забраната за движење на населението, и согласно одлуката на Владата ќе трае до понеделник до 5 часот. Со ова, почнува 61-часовен карантин за сите граѓани на територија на целата држава.

Забраната не важи за полицијата, армијата, здравствените работници, противпожарните територијални единици и земјоделските лица.

Дежурните аптеки ќе работат непречено, а продавниците, маркетите и рестораните ќе примаат нарачки и ќе вршат достава на своите производи. Маркетите кои немаат соодветна дозвола за работа за време на полицискиот час, ќе бидат санкционирани.

Подготвени се пакетите со храна и прехранбени производи за помош, наменети за стари и изнемоштени лица во Општина Центар. Мобилните тимови се веќе на терен и ги доставуваат пакетите до пензионерите во општината.

„Јавното здравје е заедничка одговорност и ние, како одговорна општина, нема да дозволиме оваа криза да ги погоди нашите најранливи сограѓани“, соопшти на Фејсбук градоначалникот Саша Богдановиќ.

Сите оние кои имаат потреба мобилните тимови, можат да се обратат на телефонскиот број 077 963 672.

Даниела, Ѓоко, Предраг, Никола, Анастасија и Гзим се само неколкуте волонтери во мобилните тимови на Црвениот крст и Општина Охрид кои деновиве им пружаaт услуги на своите сограѓани како набавка на прехранбени продукти, средства за лична хигиена и лекови и плаќање сметки за режиски трошоци,

Волонтерите на подрачјето на градот Охрид веќе неколку дена им помагаат на старите и изнемоштени лица и на лицата со специјални потреби, и лицата во самоизолација директно до нивниот дом, откако властите секојдневно апелираат граѓаните да останат дома, и да помогнат во успорување на новиот коронавирус за кој веќе е прогласена пандемија.

Габриела Рогужарова на својот профил на социјалните мрежи сподели видео и напиша текст со објаснување:

,,Апелирам до сите граѓани за помош!! Се работи за Славчо Јованов од Велес. Дојде на врата, плачеше, моли за јадење… Му било срам да каже, со денови не бил јаден… Комшија ми е,во иста зграда живееме..  Ве молам кој колку може да донира храна и средства за хигиена Споделувајте!!!!!, Да бидеме луѓе!

The post (ВИДЕО) Габриела: Славчо од Велес дојде на врата, плачеше, моли за јадење – му било срам да каже, со денови не бил јаден appeared first on Галама.

Калина Коси: Сите петки

,,Неколку другарки ја викаа денес ќерка ми на прошетка до парк. Бидејќи ѝ ја полнам главата секој ден со сериозноста на ситуацијата, требаше да донесе тешка одлука. „Јас ти кажав, се знаеш, сама одлучи дали ќе одиш или не“, ѝ ја вратив тежината на одлуката на неа. Сеуште е во основно училиште, ама не е мала.

Се мислеше, се врткаше, ѝ се одеше. Се јавуваше, па прејавуваше, па ме консултираше. „Ама само 3 ќе сме, нема да сме повеќе од 5“, ми се враќаше со дилемите. „Ти си знаеш, како сметаш дека треба, така направи“. Го положи тестот. Не отиде. Се растажи. Си влезе во соба и сеуште е таму.

Нека ја. Од 3 ќе се направат 4. Па ќе ги сретне и изгушка некоја 5-та. Па ќе им се придружат уште 2 од маало. Деца како деца. И јас се растажив. Си мислев „Можеби претеруваш, премногу неосновано стравуваш, цело Скопје е надвор“.

За малку ќе ме убедеше, ќе ѝ речев „Оди, ама пази се“, се воздржав. И да, можеби претерувам, ама поарно таа во соба еден ден да седи тажна, отколку јас или било која друга мајка или ќерка утре да плаче.

Ова е лекција. За неа и сите други деца. Животна. Ќе научи дека не е единствена, дека од нејзиното здравје зависи туѓото, дека не смее да биде себична и егоистична, дека понекогаш мора за туѓото добро да се жртвува.

Ќе научи што е колективно добро, свест и совест, што е грижа за другите, што е одговорност. Лекција која е покорисна и поважна од успехот „скроз одлична“ во свидетелство на крајот од школската година. Лекција за сите петки на тестот – Што значи да бидеш човек!

The post Калина Коси: Денес ќерка ми требаше да оди во парк – еве што јас и кажав и што таа направи appeared first on Галама.

Светот е во очекување на новата вакцина, која би го вратила во нормала животот, после појавата на Корона вирусот. Дискудиите за и против вакцините пак, се вечна тема на социјалните мрежи, секаде во светот.

Но како изгледа системот во високо развиените земји и каков е ставот на надлежните во врска со избегнувањето на оваа обврска, можете да видите во продолжение. Горазд Росоклија, професор на Колумбија универзитетот во Њујорк, доби интересно прашање на својот профил на социјалните мрежи:

,,Професоре може ќе имате инфо… дали во САД е задолжителна вакцинација од сезонски грип за сите граѓани кои се во системот? Или зависи поединечно од сојузна држава?”

Одговор на Горазд Росоклија: ,,За нас лекарите и целиот медицински персонал е задолжителна. За генералната популација не е. Некои компании им сугерираат на своите вработени да се вакцинираат. Сите осигурителни компании го покриваат трошокот на вакцинирање.

Исто е и за ТБЦ. Бидејќи невронауката и психијатријата се во посебна зграда во која се влегува со електронска картичка, на влезот, цела недела, седат докторка, медицинска сестра и техничар. Не можеш да ги избегнеш, седнуваш и те вакцинираат.

Секој од нас мора да е вакциниран и против хепатитис. Сите други вакцини се задолжителни за целата популација, зборувам за ученици и студенти. Кога дојдовме во САД, моите деца одеа во осмолетка (3-5-7 одделение, најмалиот беше 6 месечно бебе).

Ми дадоа еден месец да им направам титар на заушки бидејќи реков дека ги прележале. Како Балканец, не го направив тоа и точно после 30 дена ми се јавува Илина и ми вика, тато мене и Војдан медицинската сестра не извади од час, еве ти ја да ти објасни.

Ми објасни, ,,докторе имавте 30 дена, не смеам да им дозволам да се на час со другите деца“, отидов дома, ги земав од школото и ги однесова да бидат вакцинирани.

Исто е со студентите, исто е со секој доктор или научник кој доаѓа кај мене да соработуваме. Мора да има лист на вакцини и потврда од лекар дека е здрав. Кога ќе се појави случај на менингитис во колеџ или училиште, вакцината се нуди бесплатно но кој не сака да ја прими и да ризикува да биде инфициран не ја прима.

Некои верски училишта се обидуваат да им дозволат на невакцинирани деца да посетуваат настава, бидејќи има родители кои од верски причини тоа не го прифаќаат. Таквите училишта, во Њујорк, биваат казнети и добиваат забрана за обавување настава.”

The post Росоклија: Еве што ми се случи мене во Америка кога се двоумев дали да ги вакцинирам децата appeared first on Галама.

Фолк пејачката Соња Тарчуловска и го честиташе роденденот на својата ќерка Мелани, неможејќи да се изначуди кога поминале годините:

,,Мелани како да беше вчера, кога се појави на овој свет. Го паметам моментот кога те погледнав за прв пат.Ти си нашиот живот.Среќен 15 ти Керко!”

Инаку Соња Тарчуловска е сопруга на поранешниот пратеник од редовите на ВМРО-ДПМНЕ, Јохан Тарчуловски кој осум години помина во Хаг.

Последно јавно обраќање на Соња Тарчуловска до јавноста беше во 2017 година, кога од страна на тогаш новите власти беше објавено дека поранешната власт и исплаќала по пет илјади евра месечно:

Отворено писмо до јавноста испрати сопругата на Јохан Тарчуловски, Соња Тарчуловска, откако беше објавено дека „Семејството на Јохан Тарчуловски месечно примало по 5.000 евра од државниот буџет“.

Дел од медиумите објавија и документ кој укажуваше на фактот дека оваа сума била исплаќана на семејството.

Во писмото таа пишува дека никој не бега да одговори на прашањето за надоместокот за трошоците околу патувањата во Хаг.

„Одговорот требаше да го побарате кај мене, Соња Тарчуловска. Еве јас ќе ви кажам. Во периодот од 8 години додека Јохан Тарчуловски лежеше затвор за Македонија, секој месец државата ни исплатуваше надомест од 5000 евра. Душегрижници прочитајте добро. Еве Ви ја пресметката :

Јас Соња Тарчуловска, Мелани и мајката на Јохан. Авионскиот билет чинеше 800 евра x 3=2400. Најевтиниот хотел во Хаг чинеше 150 евра од вечер за тројца по 7 дена, 1050 евра. Транспортот од хотелот до затворот во два правци чинеше 40 евра, значи 280 евра. Секој месец по 1000 евра префрлавме на сметка во затворот за прехрана и телефонски картички, тоа се 4730 евра.

Со останатиот дел од 270 евра преживувавме месечно во Скопје. Ова воопшто не е правдање и немам намера никому да се правдам, но бидејки јас и моето семејство бевме повикани да не оцрните, наводно сме се богателе од државна сметка, не можете да не оцрните. Знаете ли зошто? Затоа што нас не можеше да нѐ скрши и оцрни и затворот. Нас нѐ не раздели и душманот.

Не можете да ги оцрнете и скршите нашите деца, затоа што растеа без татко додека вие ги гледавте вашите секој ден. Со ни една изјава не успеавте и нема да успеете мене како сопруга и мајка да ме омаловажите дека сум неморална. А да не заборавам да одговорам на сите оние кои беа загрижени дека мојот сопруг ме фрлил од тераса. Само едно ке ви кажам:

НЕ, ЈОХАН НЕ МЕ ФРЛИ ОД ТЕРАСА. Може да сонувате да имате брак како нашиот и никогаш не би се избориле со искушенијата низ кои поминавме ние. Ова е мое прво обраќање после 5 години.

Верувајте ниту една дечја солза невреди за никакви пари. Ниту една изгубена младост не вреди за никакви пари. Ниту една празнина и страв не се надополнува со пари. За крај ние не предадовме никого, нас нѐ предадоа“- напиша тогаш Тарчуловска.

The post Сопругата на Јохан, Соња со преемотивна порака кон ќерка си: Како вчера да беше мила Мелани appeared first on Галама.

Статус на Сашо Тасевски:

Ај она е горда Еврејка, очигледно од мала свесна за страдањата на нејзиниот народ, давидовите ѕвезди и холокаустот, ама вие кои гордо ја носите Давидовата ѕвезда отелотворена во името Северна Македонија која ви ја наметна светот и со која ве жигоса за да ви покаже дека не сте му дораснати и вредни на неговата големина, не ве очекува ништо друго освен пропаст.

Изборна и секоја друга. Затоа се мајтапите со неа. Таа разбира што е Давидова ѕвезда, вие не разбирате.

Немавте потреба од оној циркус да ја менувате Мизрахи. Го кршела Уставот? Па вие петпати го кршевте до сега. Ама што ќе кажеле Грците? Овци, дури и да кажат, да протестираат, вашиот граѓанин и министер треба да рипнете да го браните или барем да го оправдате, онака курназки. Ненамерно било. Бла бла бла.

Не треба да се откажете од него, туку да застанете зад него. И тоа е форма на отпор ако сте сфатиле дека сте згрешиле за сменетото име. Ама не, вие со радост го носите и тоа се гледа.

Немате улична школа толку важна за политиката. Затоа ве плеска кој стаса. Анационална партија на овие избори нема да помине да ви е јасно.

The post Сашо Тасевски до СДСМ: Рашела беше ваш министер и мораше да ја заштитите appeared first on Галама.

На социјалните мрежи деновиве циркулираш известување од колку македонски посредници за бугарски пасош. Во истото се вели следното:

Важно известување за сите што имат минано интервју:

Сите кои се биле на интервју за бугарско државјанство, во периодот 2018- 2019 година И СЕУШТЕ НЕ СЕ ОДОБРЕНИ ИЛИ ОДБИЕНИ ОД СОВЕТОТ ПО ГРАЖДАНСТВО, треба повторно да ги внесат документите со кои имат докажано бугарски произход во Министерството на Правосудие ( документите што ги имаат поднесувано на почетокот на процедурата ).

Примери: поднесено преку брат / сестра бг државјанин – извод од кандидатот и од братот/сестрата и копија од бугарската лична карта/пасош на братот/сестрата

Поднесено преку здружение – извод од кандидат, плус сите други изводи/умреници, на основа на кои здружението ја има издадено потврдата и дубликат потврда од самото здружение.

Поднесено преку вујко/тетка/чичо – сите тие кандидати треба да внесат дополнителни докумети од здружение, ( извод од кандидат, плус сите други изводи/умреници, на основа на кои здружението ја има издадено потврдата и дубликат потврда од самото здружение.)

Неодамна до редакцијата на Галама стигна порака со фотографија од одбиено барање за Бугарски пасош, кое веќе ги имало поминато позитивно сите претходни постапки кои се предвидени при процедурата за барање државјанство во оваа наша соседна земја.

-Веќе една година, моето досие стоеше како одобрено и чекаше само потпис од Заменик Претседателот. Денес ми стигна известување дека сум одбиен, без никакво образложение, ни изјави апликант од источниот дел на Македонија кој сакаше да остане анонимен.

The post Важно известување од посредниците за бугарски пасош до Македонците што минале интервју appeared first on Галама.

Жена која се потпишала како Александра58 на форумот Babycenter.com, го изнела проблемот со кој се соочила, а сите жени на таа ситуација бурно реагирале.

– Мажот и свекрвата му ја избричиле главата на нашето дете. Тројцата веќе зборувавме необврзувачки на оваа тема (двајцата ми објасниле зошто е “добро” да се избричи главата на бебето пред околу една недела, и јас бев одречно против тоа).

Вчера кога дојдов од работа дома во собата затекнав ќелаво бебе! Не знам што мислат дека ќе постигнат со тоа, а и резултатите воопшто не ме интересираат.

Она што ме згрозува е фактот дека тоа го направиле без дозвола и по наведување на неговата мајка. Бездруго сум повеќе од бесна на неа, бидејќи околу Нова година намина кај нас, и не престана да го бакнува детето, иако беше настината.

Сега ќелавото бебенце ми изгледа премногу смешно, а не знам ниту како успеало да ја издржи таа тортура – вели Александра.

Реакциите на другите мајки на форумот биле повеќе од бурни. Првото шишање е голема работа и за детето и за родителите.

– Не знам што би им направила да ми го оќелават бебето зад грб, но знам дека не би завршило добро за нив – вели една мајка.

Некои мајки, впрочем, кажуваат дека не им е јасно зошто се вознемирила Александра толку кога тоа е “само коса, и бездруго брзо ќе порасне”.

– Работата е во тоа што подеднакво ме изнервира и мојот сопруг, кој ништо не знае за воспитување на децао, и без да се спротивстави ги слуша застарените мајчински совети, дури и кога ќе кажам дека тоа е глупаво – вели Александра.

– На твое место, јас после тоа би ѝ забранила на свекрвата сама да остане со детето, без твоја контрола – остра е една од мајките.

А што вие кажувате на ова, што би направиле на местото на Александра?

The post Дури бев на работа свекрва ми го избричила детето – збеснав кога видов appeared first on Галама.

Статус на Љупчо Зиков:

,,Оваа вест сум ја објавил лани со мој личен коментар. Најновата вест од Стокхолм вели дека новите закони од пред десетина дена дозволуваат Швеѓаните да можат да земат до 6 месеци отсуство од работа за да основаат свој бизнис…

Жителите на Шведска сега можат да земат шест месеци отсуство од работа за да стартуваат сопствен бизнис, а ако не оди се според планот, повторно можат да се вратат на старата работа.

Ова неплатено отсуство се вика Tjänstledighet и ги охрабрува луѓето да пробуваат нови нешта и поттикнува иновативна култура.

Коментар. Прекрасно! Еве една конкретна идеја за нашата Влада! Јас овие шведски закони би ги модифицирал и адаптирал на македонската стварност…

Тоа, според мене, би значело давање тест период на истурени позиции во јавната администрација, директори и службеници на јавни претпријатија да излезат и основаат приватен бизнис…

Да ги пробаме овие наши големи општествени умови кои ги трошат немилосрдно своите денови во јавната администрација со по четврт бурек и јогурт и едно еспресо (дневно следовање) без некоја специфична тежина на учинокот!

На пример, ако рикнат во обидот да отворат бизнис нека се вратат назад во администрацијата !?! Или од морален аспект ќе можат да си дадат отказ и од таму.

Ќарот ќе биде што барем ќе знаат како е да се работи и живее на асфалтот … на приходната страна на Буџетот, а не на расходната како што сега цицаат!

Особено сеирџиски тоа би го спровел како обид некои министри, па и заменици (особено активни и во оваа влада, како и во сите пред тоа) да излезат и да се обидат да основаат приватен бизнис. Ако не успејат нека се вратат на истата позиција доделена од премиерот…

Ќе знаеме колку навистина “тежат”! Ќарот за сите нас тука би бил што ќе знаат што практично се случува кога наутро ке ја отворат вратата во својата фирма и ке се соочат со неизвесноста и ризиците што ги носи секој ден.

Или, како што би рекол Жарко Лаушевиќ – Година проџе, дан никако.

Поединци и приватни компании основани од храбри луѓе херои на ова време кои одбиваат да чекаат државата да им го реши опстанокот во животот, а тие да и вратат на партијата…”

The post Предлог на Зиков: По примерот на Шведска, на вработените во администрација да им се дава шест месеци одмор appeared first on Галама.

Една од нашите најпознати водителки, Јелена Спенџарска, речиси секојдневно ја гледавме на малите екрани во изминатите десетина години. Спенџарска остави траен белег во утринските контактни емисии.

Почетокот не и беше баш најдобар. Редовните гледачи ќе се потсетат на нејзиниот инцидент со еден гледач, кога непристојно му одговори, а потоа таа беше симната од програмата и суспендирана од телевизијата каде што работеше.

Но, Јелена е доблесна девојка, која знае и да се извини за грешките. Па така, таа му отиде дома на гледачот и му се извини. По овој нејзин потег, беше вратена на малите екрани.

Јелена Спенџарска пред неколку денови со свој статус на социјалните мреѓжи ги изненда своите фанови, со најава дека ќе замине од Македонија.

Таа не прецизираше дали заминува на кратко, но потенцираше дека не се сели. Имено, Јелена се пофали дека добила виза за Америка:

,,Никогаш не сум била во Америка, не зашто не сум сакала, туку едноставно чувствував во себе дека не ми е вистинското време за таму.

Не знам како конкретно да ви го објаснам ова. Нешто ми кажуваше да почекам зашто денот кога ќе стапнам таму ќе биде буквално остварување на се што претходно си имам замислено за себе и својот живот.

Чекав многу години и слушав разни ваши приказни каде сте биле, како сте поминале, што сте виделе и доживеале и никогаш не бев нестрплива и никогаш не се запрашав кога ли е моето време. Никогаш. Само знаев дека ќе дојде.

Бев на интервју кај една толку прекрасна госпоѓа во амбасада која со насмевка ме праша неколку прашања поврзани со моето патување таму. Не поминаа ни пет минути, а јас веќе слушнав од неа – Enjoy your stay !

Така се насмеав од срце, излегов од просторијата и тие отприлика сто скали до другата просторија кај што ми беа личните работи ги поминав со солзи во очите. Надвор истураше, а мене ми беше преубаво.

Немате појма колку бев возбудена и колку му бев благодарна на животот за тоа мало зелено ливче кое го имав во рацете на кое пишуваше visa approved !

Знам дека сега ќе си речете – ‘Еее голема работа добила виза’ , но не е баш така. Јас емотивно сум врзана за оваа виза и таа е голем, голем дел од мојата душа и уште поголем зашто се случува во вистинско време кога во мојот живот се случуваат големи трансформации.

Не се селам, да се разбереме, одам малку да прошетам и да одморам. Уште поинтересно е што тој одмор ќе биде на океан, во бикини практично уште еден сон кој ми се остварува од години нананзад.

Одиме со сестра ми и Љубљана во недела наутро. Ќе биде забавно долгото патување со малата со оглед што се ја интересира и се сака да види и да фати.

Имам толку многу да напишам, но би сакала да скратам. Само сакам да знаете:

– Можеш да бидеш СЕ што ќе посакаш! – Можеш да имаш СЕ што ќе посакаш! – СЕ во животот е возможно! California, here we come!”

Но, само неколку денови подоцна, Јелена пишува нов статус:

,,Кучињата лаат – караванот си врви. Уште еден исполнет american dream!”

Па во коментар дополнува:

,,Родена сум за тука!”

Дали ова значи дека на Јелена Спенџарска толку многу и се допадна Америка, па почнала да размислува за останување, ќе покаже времето.

Во секој случај, од фотографиите се гледа дека таа навистина ужива!

А кој не би уживал во прекрасната Калифорнија. Во оваа Американска држава владее вечна пролет и сон на секој Американец е да живее овде.

П.П.

The post Родена сум за тука: Ја загуби ли Македонија Спенџарска Јелена (ФОТО) appeared first on Галама.