Кафанска Вечер во Скопје — 20 декември 2025. Добредојдовте на најголемиот музички спектакл оваа зима!

Hype Production со гордост ја претставува Кафанската Вечер, незаборавно музичко доживување што ќе ја исполни Арената „Јане Сандански“ со емоции, хитови и вистинска кафанска атмосфера.

Настан што не се пропушта! На една сцена, во една ноќ, ќе ги гледаме легендите на балканската музика: Аца Лукас, Мирослав Илиќ, Мира Шкориќ.

Специјаленн гостин на вечерта е кралот на ноќните забави во Македонија, Жаре Бербер со неговиот Галама Бенд!

Подгответе се за вечер исполнета со добро познати песни, силни емоции и моменти што ќе се паметат долго. Ова не е само концерт — ова е музички спектакл кој трае со часови и ја носи вистинската душа на кафаната.

Детали за Настанот

Датум: 20 декември 2025
Почеток: 20:00 часот
Локација: Арена „Јане Сандански“ – Скопје

Билетите се пуштени во продажба преку официјалните партнери.
Осигурајте си место на време — интересот е огромен!

The post Ќе биде ГАЗЕЊЕ – еве кој ЦАР на ноќните забави од Македонија, ќе му прави друштво на Аца Лукас во Скопје на 20. Декември appeared first on Галама.

Кој ги слика свадбите во Македонија? Лиценциранни компании, или аматери кои наплаќааат “дебели” пари, а не даваат фискалнна сметка и притоа го уништуваат трајниот спомен од веселбите кои ги оргаизираат граѓаните. Сведоштвото подолу е токму едно такво, лошо искуство.

-Правевме сваба за нашите деца во јули оваа година, во популарен ресторан во Скопје. Зннаете како е кога се организира ваква веселба, среќата и радоста се огромни, но, исто така и трошоците.

Агажиравме ресторан, музика за по невеста, музика за свадбената веселба и сите други пропратни трошоци кои се дел од свадбената веселба. Секако, неизбежен дел од целата церемонија се и сликарите, од кои се очекува на најдобар можен начин да го овековечат свечениот момент.

Дотичните сликари ни ги препорача наша пријателка. Цената 1200 евра. Вртоглава сума, но во разговорот со нив, ни беше кажано дека располагаат со неколку камери, апарати, кран и ДРОН!

Ајде, си рековме, на целиот тој трошок, ќе го платиме и ова, само нека биде како што треба и нека е за убаво!

Првото сомневање во нивната професионалност беше после црквената церемонија, кога требаше да ги сликаат младоженците на избрана локација. го одложуваа моментот за одење на локацијата, во градскиот парк во Скопје, а потоа ни стана јасно и зошто.

Пред свадбата ни посочија дека тие дронот би го полетале единствено во идеални временски услови. Чекаа да се расипе времето и да заврне, само за да не го полетаат дронот, ако воопшто го имаат.

Втора работа, која заборавив да ја напоменам на почетокот, беше уште во домот на младоженецот, кога некој од присутните ќе извадеа телефон да снима, еден од сликарите нргодуваше со зборовите: “Немој да сликаш и снимаш, зошто сум јас тука?!!”

Врвот на безобразието беше кога на свадбената веселба, истиот овој (имињата ќе им ги откријам во текот на следните денови), буквално и го грабна телефонот на една од гостинките, која се обидуваше да слика или сними дел од атмосферата!

Претпоставувате зошто ова го прават? За гостите да имаат што помалку фотографии и да купуваат од нив.

Договорот беше, само еднаш да поминат по гостите и да понудат фотографии, да не ги малтретираат цела вечер. се случи токму спротивното, цела вечер ги гонеа гостите за да им продадат фотографии, темни, со крајно лош квалитет. На некои од нив, им продадоа фотографии на кои младоженецот беше замижан! Не им било гајле што и како сликаат.

Но најлошото допрва следува! По еден месец од свадбата, нам, на семејството, ни даваат видео на кое речиси 3 часа, звукот е расипан, се слуша од прилика, како кога ви е расипан звучник во кола, народно кажано, КРЧИ.

Па ние токму затоа ги викнавме и ги плативме, за да имаме спомен – виедо запис од веселбата. Добивме хаотично, тотално неизмонтирано видео, со катастрофален звук. За 1200 евра, добивме едно големо НИШТО!

Уште повеќе иритира нивното објаснување, дека тие си снимале и озвучувањето било виновно, па прозорите од ресторанот биле затворени…

Па чекајте бе ИДИОТИ, како, ако озвучувањето не било како што треба, снимките од телефони од гостите, се перфектно чисти? Настрана од тоа, на видеото кое не го измонтирале, се гледа како им се расипува камерата на кранот (ја поправаат) и после тој момент, звукот е расипан. Пред тоа е во ред.

Луѓе, внимавајте кого ангажирате да ви ги слика свадбените и други веселби. Токму затоа сето ова го кажувам!

Побаравме од нив да го средат и да ни дадат коректно видео со аудио, следеше игнорирање на нашите пораки. Епа ова дополнително иритира и сега одиме до КРАЈ!

Прво, за парите кои ги плативме, до денешен ден не добивме фискална сметка. Ќе ги пријавиме во Организација на потрошувачи, УЈП и Пазарен инспекторат. Доколку се востанови дека немаат фирма и работат на диво, ќе ги пријавиме во полиција и ќе биде поднесена тужба за измама.

Во моментов, дури не откриеме дали имаат фирма, нема да ги откријам нивните имиња, но во следните денови, ќе ги објавам нивните имиња, за да не изманипулираат и некој друг, во иднина.

Засега, ќе кажам само дека сопствениците на “сликарското студио”, живеат во Карпош 4.

Името и презимето познати на редакцијата на Галама

The post ДРСКОСТ И БЕЗОБРАЗИЕ: Сликар на свадба ГРАБАЛ телефони од гости и им забранувал да сликаат и снимаат appeared first on Галама.

Проф. д-р Драган Даниловски: „NOIR” ФИЛМ (Прв дел)

Градот деновиве налик на сцена од некој црно-бел, „noir“ филм од времето на „Големата депресија“ во триесеттите години.

Оловна плоча надвиснала над градот. Ретки мижуркави улични светилки, обвиткани со треперливи халоа, едвај се наѕираат низ темнината и низ густиот, токсичен воздух што го сече грлото како нож. И години наназад така е, додуша… Одвратна смрдеа од купиштата ѓубре покрај преполнетите контејнери. Морничави врисоци на мачки што го разнесуваат наоколу. Глутници изгладнети кучиња бесцелно талкаат по улиците демнејќи ретки, осамени минувачи.

Истовремено, блештат неонските светла на преполните кафеани и кафулиња. Внатре, облаци тутунски чад. Први сме биле во Европа по загадениот воздух? Ха, гајле ни е, можеме ние и појако. Трешти турбо-фолк. Гласови од потпивнати гости без слух „фаќаат“ терца. Полни маси со храна и пијачка. Кикотења, џагор, пијани извици, здравици… Баханалии… „Клонирани“, „пластифицирани“, поклонички на богот Бахус со „акромегалично“ хипертрофирани муцки во френетичен ритам на музика со „три ноти“. Пијани мажи без инхибиција на своето „id“ со закрвавени погледи голтаат гротескнo истакнати, силиконски облини… „Селфија“ се прават со кренати чаши, да се овековечи мигот на „среќа“ и да се „постира“ во универзумот на социјалните мрежи! Нека пукнат душманите! „Само еднаш се живее“!

Уште една „изгубена генерација“… Историјата се повторува.

На социјалните мрежи „пењавење“ на, во суштина, ефемерни теми (дневно-политички збиднувања, пцостите во Собранието, некој монструм претепал куче со шипка, воздухот бил катастрофално загаден, кој да го води тендерот за автобусите, граѓаните што не откажале закажан термин за преглед требало да се казнат, не требало доктори од јавното здравство да работат и во приватното, смешни биле покачувањата на платите во здравството и пензиите, потребен ли ни бил унгарскиот кредит, поскапеле јајцата 40 отсто… итн.).

Во медиумите „врие“ од вести за улично, училишно, семејно насилство…
Ерос и Танатос на најјако!
Сите погоре опишани појави се должат на несвесни одбранбени механизми за самоизмама со кои луѓето се обидуваат да се заштитат себеси од чувствата на страв, вознемиреност, безнадежност, беспомошност!

Според фројдовата психоаналитичка теорија, одбранбените механизми се психолошки стратегии кои ги користат поединци, групи, па дури и нации за справување со реалноста и задржување на сликата и поимот за себеси.
Здрави личности вообичаено користат разни одбрани во текот на животот. Намената на одбранбените механизми на егото е да го заштитат умот/битието/егото од напнатост, од општествени санкции или да понудат бегство од состојба со која некој не може моментално да се справи.

Според ова теорија, најчести несвесни одбранбени механизми се:
– одбивање да се прифати надворешната стварност бидејќи е премногу заканувачка, спротивставување на стимул кој предизвикува напнатост по пат на непризнавање дека тој постои; решавање на емоционален конфликт и намалување на напнатоста со одбивање да се видат непријатните надворешни аспекти (негирање);
– потиснување на несаканите емоции (репресија);
– стремеж за бегство во фантазија заради одбегнување на внатрешни и надворешни конфликти (фантазирање);
– пренесување на своите неприфатливи мисли, чувства и импулси на некој друг (проекција);
– хипохондрија,
– пасивна, но и активна агресија,
– избувливост;
– оправдување на сопствените постапки (рационализација);
– сосредоточување врз интелектуалните компоненти на ситуацијата заради оддалечување на себеси од емоциите кои создаваат напнатост (интелектуализација);
– компензација…
И многу поретко, емоционално најзрелите единки реагираат со претворање на негативните емоции или инстинкти во позитивни дејства, однесување или емоции (сублимација);
– со свесна одлука за одвраќање на вниманието од одредена емоција заради справување со моменталната стварност (супресија),
– но и со антиципација, идентификација, дури и со алтруизам и хумор.
При рудиментирано „супер-его“, „егото“ спас бара во нагонските сфери (id-от)…
Така психологијата ги објаснува и категоризира несвесните одбранбени механизми.
Епидемиологијата, пак, треба да даде одговори на прашањата од типот:
Колкава е застапеноста на одделни одбранбени механизми меѓу разни категории население (специфични популациски групи)?
Како тие се рангираат?
Кои се најбројните?
Кои се карактеристиките на тие специфични популациски групи?
Кои фактори на ризик (причини) се најсилно асоцирани со нив?
Кои се мерките (интервенциите) со кои заедницата може оптимално да ги прекине ланците на експозиција (да ги минимизира штетните ефекти) на тие фактори?
Како да се евалуираат ефектите на тие мерки, за тие да станат поефикасни?
Но, и без прецизна епидемиолошка анализа, дури и само еден левтерен увид е доволен за (релативно веродостоен) впечаток дека сме среде епидемија на страв! Пред сѐ, страв за опстанок во услови на децениски и сѐ поизразени егзистенцијални ризици!

Страв, кој поприма енормни размери откако и „со голо око“ на хоризонтот се сѐ повидливи силуетите на „јавачите на апокалипсата“! Заради што сѐ поинтензивно на сцена се психолошките одбранбени механизми кај граѓаните. За да се потисне стравот. Да се глуми „нормалност“. Да се издржи денот.
И така, ден за ден…
Што да се прави?
Во следна прилика…

The post БРИЛИЈАНТЕН статус на проф. Даниловски appeared first on Галама.

На социјалните мрежи, се појави нов предизвик наречен Супермен, од кој многу деца се здобија со сериозни повреди. Околу ова, свој коментар им аше Миа Костова:

“На тема деца читам три дена. Од третооделенец што затвори две школи преку челинџ од тикток.

Еднаш засекогаш да расчистиме. Децата се родителите. Од родители орангутани не излагаат пеперутки. И тука завршува секоја дискусија. Дете кое е учено да не убива пајак дома туку да го вади низ прозор нема да фрли другар у вис а со многу зборење нема ни да легне да го фрлат. Девијантно понашање не е вродено, се гледа, се стекнува или па се појавува како резултат на немање воопшто никакво внимание. Прекинете да кривите тикток, ако нема тик ток некој друг ќе му каже, да ги заштитите од социјална мрежа денес – просто па невозможно. За промена пробајте да ги воспитате.

Кога го опоменав Андрија за челинџот дома, ми рече само ‘малце ме вреѓа што мислиш дека сум идиот’

И не се они идиоти, вие сте. Возрасни идиоти. Особено оние кои па згора на сѐ и не гледаат проблем кај нивните принцови и принцези и кога ќе им се укаже на тоа…
Ова е едно време во кое родителите се плашат од своите деца. Па тоа длабоки психолошки осврти за дискусија и пристап. Наставници се плашат од деца… Да ми е да имам право, како би ги дотерала сите у ред… ама ете може ќе се освестите дека еден ден оние фините и мирните ќе ви го вратат булерот дома со забите во раце. Така оди тоа.

Ај сега повторете им дома да не изиграваат супермени и пробајте да не ви кажат ‘ќути бе стари, ти ќе ми кажеш’. Па да се прекрстите само и да си продужите со серијата.”

The post Миа Костова: не се децата ИДИОТИ, туку вие сте ИДИОТИ – возрасни ИДИОТИ appeared first on Галама.

На социјалната мрежа Мета, од неодамна се појави профил со името и презимето на поранешниот премиер и поранешен лидер на ВМРО-ДПМНЕ, Никола Груевски.

Но, ако се погледне подобро, името на Груевски е напишано со C, NiCola, наместо NiKola.

Патем, Груевски има своја фан страна со преку 100 илјади следбеници, преку која комуницира со јавноста.

Веројатно многумина ова не го забеележаче и му понудиле пријателство на лажниот профил, чија цел е најверојатно да дојде до политички информации, кои со него би ги споделиле во инбокс, оние кои не забележале дека профилот е лажен.

The post Не се лажете – ОВА НЕ Е вистинскиот профил на Никола Груевски appeared first on Галама.

Некрунисаниот крал на ноќните забави во Македонија, феноменалниот и неповторлив Жаре Бербер, сношти во кафе барот Roxy во Битола, направи луда забава на која присутните во еден глас ги пееја рефрените од популарните мелодии кои Жаре Бербер ги изведува како дел од неговите настапи.

Особена еуфорија, а потоа и скандирање на неговото име, предизвикаа песните „Кога појдов во Битола“ и „Заветна“.

Инаку Жаре Бербер, последнава година руши рекорди на гледаност и со неговиот телевизиски проект, „Галама Шоу“, каде гости му се најпознатите пејачи од македонската и балканската естрада.

The post Сношти Жаре Бербер ЈА ИЗВАДИ ОД МЕНТЕШЕ БИТОЛА – еве зошто сите го скандираа неговото име (ВИДЕО) appeared first on Галама.

Пејачката Маја Оџаклијевска смета дека луѓето со прекумерни амбиции се длабоко нес реќни и затоа е благодарна што има покрив над главата, што да јаде и да носи и љубовта кон внукот Лука.

Маја вели дека за време на пензионерските денови секој слободен момент го посветила на внукoт Лука, а открива дека прифаќањето на нејзината финансиска состојба и донело мир.

– Луѓето со премногу амбиции се несреќни. Можам да имам империи, тоа не значи ништо. Материјалот не е ништо. Немам куќа на Дедиње и базени, живеам 35 години во мал стан и задоволнa сум од тоа. Не се работи за скромност, туку за разбирање на ситуацијата и сопствените потреби.

Задоволство ми е да имам покрив над главата, што да јадам, каде да спијам и што да облечам. Не мора да бидат брендирани предмети и барокен мебел. Ако разбирате дека филозофијата на животот е да живеете мирно и убаво, тогаш нема за што да жалите.

Не треба да имате болни амбиции. Скромноста не е доблест, но не треба да се биде премногу амбициозен.

Како го постигнувате сопственото задоволство? Значи, со разбирање на сопствената ситуација – вели Маја, и додава:

– Парите треба да бидат добро распоредени, тоа е поентата. Никогаш не позајмив. Мајка ми еднаш ми рече: „Рашири колку што ти е долга чергата. Ако имате ќебиња, свиткајте ги нозете, ако имате јорган, истегнете се “.

Не сакав да се задолжувам. Не заработував секогаш, добро ги распределував. Луѓето никогаш нема да имаат доволно пари, колку и да имаат, ќе измислат нова потреба.

Маја на своите пријатели минатата година им соопшти дека веќе нема да го користи својот Фејбук профил затоа што таа вели дека за неа е подобро дружењето во живо. Таа на Фејсбук тогап напиша:

Повторно, овие љубопитни луѓе од Фејсбук прашуваат што ми е на ум. Искрено, имам на ум одјавување од овие страници што одземаат вистински контакти, па затоа сум на мислење дека повеќе не треба да сум овде. Има многу поубава содржина.

Кој оставил трага, оставил и телефонски контакт. Тоа ќе биде подобра врска од оваа овде.

Ви посакувам пријатен престој, посилни убедувања, помалку изјаснување, затоа што кому му е грижа што правите и што мислите, и вие имате целосно право да мислите што сакате и никој не може да ви го одземе тоа.

Можеби зборуваме различни јазици, но музиката е јазик што сите го препознаваме. Задутре го откажувам Фејсбукот и дотогаш можете да ми пишете во инбокс.

Ви посакувам се најдобро и ви испраќам големо срце!“, објави таа во една прилика.

Ќерката на пејачката Маја Оџаклиевска, Андреа, стана мајка во октомври во 2021 година. Таа објави слика на Фејсбук и откри дека родила син. „Наше мало момче, наш борец“, напиша таа.

Андреа е помалата ќерка на популарната пејачка. Таа се омажи во мај минатата година за своето долгогодишно момче Милош Живковиќ, брат на српската манекенка Дејана Живковиќ. На свадбата што се одржа во познат белградски ресторан покрај вода пееше и Маја.

Ова е втор внук на Оџаклиевска. Маја од постарата ќерка Теа го има внукот Лука, момче со аутизам за кого се грижи сама.

Маја неодамна се отвори за љубовта и за животот во својот нов статус на Фејсбук:

-Секој од нас има дел од отворено срце и едно, кај некои поголемо, кај некои помало, кое се затвора пред емоциите кои доаѓаат.

Сè додека ја чувате таа резерва, вие самите си ја негирате чистата љубов. Кога ќе се појават емоциите, оставете ги да се развијат, тоа ве рафинира до бесконечност. Сакајте безусловно. Сакајте ја љубовта.“

The post Си ја отвори душата за љубовта- емотивна приказна на Маја Оџаклиевска appeared first on Галама.

Не за џабе велат дека љбовта не позмнава граници, а велат и дека не познава ни возраст, што е случај со оваа приказна.

Велат дека пеперутките во стомакот сè уште можат да треперат кога ќе се стапне во подоцнежна возраст, згора на тоа, не е невозможно чувствата да бидат посилни од кога било во животот.

Но, како и во сите врски, па и во „старите“, покрај воодушевувањето, страста и целосната посветеност, има и несогласувања, расправии, страдања, измами и разочарувања.

Да го парафразирам Толстој – сите среќни љубови се исти, и секоја што е несреќна е несреќна на свој начин. Без разлика на возраста. Со тоа што во подоцнежните години сè е малку понагласено – а можностите за „поправка“ ги има помалку.

Седумдесет годишната белграѓанка Милена В. го сподели своето шока-нтно, болно искуство.

– На мои години последното нешто на што размислувате е љубовна врска. Зафатен си, се гледаш со пријатели, патуваш, одиш на концерти, во театар…

Наутро појадуваш грст лекови, мериш притисокот трипати на ден постојано зборуваш за своите тегоби и одиш на спиење најдоцна во десет часот.

Доста ви е од сопствениот распоред, кој не се разликува многу од мојот, на крајот на краиштата, ова се сериозни години кои всушност немаат никаква перспектива кога се во прашање врските и љубовта.

Притоа, не се чувствував толку осамено за да се втурнам во романса со „старец“ само за да имам некого –

Седумдесетгодишната белграѓанка Милена В., докторка во пензија, десет години вдо-вица ја започнува нејзината приказна.

И тогаш, на роденденската забава на внуката на другарка ми, го запознав Радивој, воспитан господин пет години постар од мене, одамна разведен, кој ми пријде со чаша вино и почна неврзан муабет.

Ми беше удобно во негово друштво, но ништо повеќе. Без пеперутки, без топлина и чувство на блискост, не ме привлекуваше ниту физички, ако тоа воопшто е важно на нашите години.

Сепак, бев поласкана од неговиот интерес и внимание, па ја прифатив поканата да се видиме на кафе и така започна се’.

Накратко, почнав „летам по него“ како што велат денешните деца, но суптилно, паметно, полека, не инсистираше на ништо. Како што се свртев, станавме пар – продолжува со својата исповед Милена, за која, како што вели, следните месеци се претвориле во чудо.

– Мислев дека тој е човекот со кој можам да си го доживеам крајот. Речиси не сум сретнала таков грижлив и посветен човек, нежен и приврзан, дарежлив, толерантен.

Бев импресионирана од неговото образование, ме интересираа неговите интереси и хоби, ми се допадна што сака да патува, што е љубопитен, духовит и вреден.

Со двата сина, кои по разводот останале со мајка им, но со нив секогаш беше во добри односи, водеше профитабилен семеен бизнис, беше многу активен, неуморен.

Сепак, по првичната идила се појави „неволја во ра јот“.

– Кога преспивав кај него, ќе се разбудев навечер и ќе го видев како зјапа во телефонот. Штом забележуваше дека гледам во него, го ставаше на масичката до креветот и цврсто ме прегрнуваше потпирајќи ја главата на моето рамо.

Бев сигурен дека ме сака, иако понекогаш ми изгледаше малку далечен, како неговите мисли да се стотици милји далеку.

Во неколку наврати, кога ќе му кажев колку ми значи, наеднаш ја менуваше темата, претворајќи го разговорот во некоја обична глупост, која многу ме повредуваше.

Тоа беа сигнали кои, за жал, не ги препознав. Верував дека тоа е поради работата, на крајот на краиштата, тој е во доцните години и работи, имаше право да биде уморен, нерасположен..

– Не беше тоа, ниту нешто слично… Се работеше за нешто сосема неверојатно, толку чудно што и денес, кога ќе се сетам на се’, се срамам затоа што испаднав толку наивна и глупава.

Во една прилика, го прочепкав неговиот телефон и наидов на жена, прочепкав уште малку, но сега си викам, подобро да не продолжев.

– Ја отворив Пандорината кутија! Се појавија десетици папки со фотографии, распоредени хронолошки, насловени само со едно женско име.

А во нив слики на постара госпоѓа снимени тајно, од далеку, на улица, во ресторан, во театар, копирани од Фејсбук и Инстаграм…

Имаше и заеднички фотографии од Радивоје и неа, очигледно направени пред многу години. И тогаш дојде главниот шо к: отидов во пребарување на Фејсбук и дознав дека мојот сакан ја следел таа дама секој ден, понекогаш и неколку пати во денот.

А Радивоје таму бил повеќе од активен, внимателно испитувал се’ што е поврзано со жената со која очигледно бил опседнат. Секако, тоа го правеше кога бев со него, дури и кога лежевме еден до друг!

-Кога го прашав што значи сето тоа, тој немаше друг избор освен да признае се’. Накратко, открив дека мојот седумдесет и петгодишен маж сè уште ја бара жената на својот живот, која сега има седумдесет и три години, со која се забавувал пред цели две децении!

Таа го оставила без збор за објаснување, а Радивоје очајно, на секој начин се обидувал да ја врати назад. Таа не сакаше ни да слушне за него. Никогаш не дознал зошто си заминала.

Во секоја наредна врска до денес ја бараше. Вклучувајќи ја, значи, нашата „романса“.

– Ми кажа дека му е жал, но дека е посилно од него. Да не можеше да зажали што ја изгуби и утре да беше со неа, само да сака, не му е важно што е веќе стара жена, немаше да ја замени за десет млади, вели.

Мислеше дека ме теши кога рече дека се заљубил во мене на некој начин, како и сите партнери со кои бил после неговата судбоносна љубов. Морал да продолжи со животот, вели, но ќе ја сака до крај.

Потценување е да кажам колку бев разочарана и повредена. Ќе беше трог-ателно да не вовлечеше толку многу жени во сето ова кои, како мене, живееја во илузија дека се сакани и единствени – ја завршува својата необична исповед Милена, која и по една година е „сингл“.

– Сфатив дека тоа е едноставно лоша среќа, но и нешто што го сметам за најдобро достигнување од мојот доцна љубовен бродолом – дека љубовта сè уште може да се случи и во подоцнежните години. Можеби и мене ќе ми се случи нешто нормално и реално, кој знае?, напиша Курис.рс.

The post Милена: На седумдесет и кусур години ме изневери со друга, кога го фатив се случи ова appeared first on Галама.

Еден од најпознатите наши пејачи, Ѓорѓе Васиќ, алијас Џина Папас Џокси, е особено актуелен околу Велигденските празници, бидејќи, како што сите знаат, тој ја исполни безвременската ,,На Велигден сум се заљубил”.

Генерациите кои во деведесеттите години од минатиот век беа во своите дваесетти години, многу добро се сеќаваат на атмосферата пред скопскиот соборен храм, пред таа величенствена атмосфера, кога илјадници луѓе од поранешна Ванила, па се до Симпо, по Партизанска, стоеја со свеќи во рацете и го очекуваа Христовото Воскресение.

Речиси постојано, од звучниците на Соборниот храм, пред да започне Божествената Литургија, се слушаше композицијата на Џокси, а сите во еден глас ја пееја.

По полноќ, кога ќе завршеше литургијата, младите се упатуваа во градскиот парк, или околните кафеани и сендвичари, да се ,,омрсат” по Великиот пост.

„Најубавите години од животот ги поминуваш со својата баба. Таа што ќе ти зготви го јадеш со невидена сласт, па макар било и лепче со шеќер и вода, најомиленото јадење за игра со другарите на улица.

Секогаш е ведра, насмеана, со широка прегратка, со румени обравчиња само за галење, со ни грам лутина во себе, а со неа најлесно заспиваш, и како да не ја сакаш. И на крај, баба што приказни ќе ти раскаже нема никој друг на светот.

Така и мојата Уранија, на мајка ми мајка. Секогаш ја задевав за тоа каков љубовник бил дедо и зошто баш него одбрала, нели имало и други момци во селото (с. Ранци, Егејска Македонија).

Еднаш ја фатив во добрите и со она “пази да не не чуе“ (дедо ми Димитрија), ми ја раскажа нивната љубовна приказна.

Се случило тоа кон крајот на 20те години на минатиот век. Баба била многу убава жена, така што прадедото Никола имал мака од стројниците. Најупорни биле сторјниците на дедо ми Димитрија кои по третиот обид успеале да добијат збор, а сето ова се случувало на Велигден во дворот на црквата св. Атанасиј во с. Ранци.

За нивниот живот, Уранија и Димитрија добиле осум деца. Мајка ми Гина е четвртото дете. Сите деца се родени во Ранци, само најмалата тетка Љубица во Македонија“, раскажа Џокси за Галама. Љубовта на неговите баба и дедо, му биле инспирација да ја напише песната“, објави Галама.

– Таа 2007 година, по иницијатива на Ранко Петровиќ, првиот човек на Радио Бубамара, се договоривме со Тоше, кому многу му се допаѓаше „На Велигден“, да сними негова верзија на песната“, изјавил Џокси во една прилика за Нова Македонија.

Тој тогаш гостуваше во Австралија и ми рече дека кога ќе се врати, ќе влеземе во студио. Таа година, со група деца престојував во одморалиштето „Шула Мина“ во Крушево.

Девојчињата слушнале дека Тоше е во градот и ме замолија да ги запознаам со него. Отидовме во неговото омилено кафуле „Планет“ и газдата, кој ме препозна, ми рече дека можам да седнам на масата што секогаш е резервирана за Тоше.

И наскоро тој се појави. Повторно го потсетив на ветувањето, а нешто подоцна, расположен, тој дојде до мене, ме прегрна и ми рече: Ајде заедно да ја испееме сега „На Велигден“.

Ја знаеше од збор до збор, а неговата изведба беше толку емотивна, што навистина ме трогна. Направивме и една фотографија, која и денес ме потсетува на оваа средба.

Се сеќавам, тогаш некои луѓе го снимија додека пее со мобилните телефони и ги замолувам, ако е можно, да ми испратат снимка – вели Џокси.

За жал, никогаш не беше реализирана оваа идеја, бидејќи во октомври истата година Тоше загина во сообраќајна несреќа кај Нова Градишка.

Следната, 2008 година младата пејачка надеж Ламбе Алабаковски сними своја верзија на песната“, објави Нова Македонија.

The post Тоше не дочекал да му ја исполни големата желба на Џокси, овој детаљ за нивните животи е помалку познат appeared first on Галама.

Даниел Кајмакоски е познат по победата на првата сезона од светското шоу X Factor Adria.

Тој беше претставник на Македонија во Виена, Австрија за европскиот натпревар на песни Евровизија во 2015 година со песната Лисја Есенски по победата на Скопскиот Фестивал 2014.

-Доаѓам од скромно семејство, моите родители цел живот работат за да ни обезбедат пристоен живот, па ако можеле они зошто да не можам и јас?

Сум поминал секакви професии и работни места; бев продавач, агент во центар за повици, дури во сервисниот центар на Ерсте Банката во Австрија работев како оператор, но сè тоа беа убави искуства.

Пред да се појавам на Икс Фактор работев како инсталатер на градилиште што за мене беше преубаво искуство. Почнав од нула, бев самоук, Научив многу за таа професија, но и за себеси.

Почнав како помошник, но при крајот на моето работно искуство веќе бев десна рака на сопственикот на фирмата и имав преку 150 луѓе за кои бев лично одговорен.

Активно присуствував во планирање на проекти и нивната изградба, што разбуди еден инстинкт во мене, а тоа беше снаодливоста и желбата за секојдневно учење.

Сфатив дека сум способен за многу повеќе од што мислев! На крај, сепак ѝ се вратив на музиката, но тоа што го научив на градилиштата ми ги зацврсти карактерот, дисциплината и посветеноста, и понатаму ми помогна да се снаоѓам многу полесно и во светот на музиката.

Со оваа порака сакам на сите да им кажам дека за да го дознаеш својот личен вистински пат мораш да ги совладаш секојдневните предизвици и да дознаеш кој си.

-По многу неуспеси во музиката почувствував потреба да се занимавам со нешто комплетно различно од музиката, па така и избрав нешто многу поразлично, како што е градежништвото.

Имав потреба од физичка работа која не е поврзана со уметноста затоа што чувствував дека стагнирам.

Имав потреба да го ослободам мојот дух и душа од внатрешен притисок и тоа многу добро ми успеа. Секојдневно бев опкружен со луѓе кои трудољубиво и дисциплинирано ја работеа својата работа и тоа и мене ме мотивираше да учам.

Заборавив на сè што ме мачело сите претходни години и го најдов својот мир и својата спокојност токму во таа професија.

После тоа, на сосема поинаков начин можев да ѝ се посветам не само на музиката, туку и на животот и начинот на кој го гледам животот и на кој се гледам себеси.

Искуството во градежништвото дефинитивно ми беше многу драгоцено и придонесе за успехот што следуваше понатаму“, изјави Кајмакоски за биди зелен.

Беше во брак со Кристина Димитру, која во еден период проговори за периодот за време и по разводот со Даниел:

„Ќе излажам ако кажам дека не ми беше тешко по разводот, кога некого сакаш и нешто не успеало нормално дека ти е тешко, но се е за луѓе“– во својата прва изјава по разводот од поп пејачот Даниел Кајмакоски, тврди моделот Кристина Димитриевска во интервју за естрадниот магазин „Бекстејџ”.

Кајмакоски често објавуваше фотографии од семејната идила, па зато веста дека ставиле крај на бракот, ја изненади јавноста.

-Сфатив дека никој нема да дојде дома и да ми каже, ајде стани, туку мораш самиот да имаш јака психа и да продолжиш понатаму.

Беше тоа долг период на затвореност, не сакав да комуницирам со никого, поминав депресивен период, но важно е каде сме сега.

После разводот вежбањето е тоа што ме врати назад, што ми ја врати целата енергија, раскажа тогаш Димитриевска за „Бекстејџ”.

Во една прилика Кајмакоски се отвори за српските медиуми и проговори околу бракот со Кристина:

Живеам во Белград од 2019 година, секако, и порано живеев, но исто така бев еден период во Македонија.

Таму се оженив, добив дете и се разведов. Се’ на брзина, односно на модерен начин“, рече пејачот.

Затоа се повлеков од медиумите за да можам да имам време за семејството. Со надеж дека можеби ќе почне да функционира, но не беше така.

Даниел објави празнична фотографија со неговиот миленик Нера, но и со неговата сопруга за која неодамна откри дека очекува син.

Пејачот досега го нема споманто името на жена му, а тоа го стори сега за првпат, на сликата со велигденски јајца. Така, на трите јајца беа испишани три имиња: Даниел, Нера и Марина.

The post Даниел Кајмакоски конечно откри детали за сопругата (ФОТО) appeared first on Галама.