Синоќа се одигра дуелот помеѓу Ливерпул и Црвена Звезда на „Енфилд“ каде домаќинот без проблеми дојде до рутинска победа во рамките од групната фаза на Лигата на Шампионите.

Сепак, медиумите не може да останат имуни на она што се случуваше на трибините, односно во секторот за гостински играчи, каде „Делије“ и останатите поддржувачи на српскиот тим упатија навреди кон Шаќири.

Шаќири доби шанса од првата минута против Звезда, а поради случувањата на Мундијалот тој беше во центарот на вниманието на српските медиуми кои се обидуваа да дојдат до изјава. Српските новинари му испратија и мала провокација.

„Може ли изјава за твоите домашни медиуми, српските медиуми“, го запрашаа новинарите Шаќири кој немаше никаква реакција и само помина покрај нив, а неколку метри подоле застана и даде изјава за британските медиуми.

The post (ВИДЕО) Срби беа присутни на „Енфилд“ и често му испраќаа сочни пораки на Шаќири appeared first on Галама.

Околу четири илјади фанови на Јувентус синоќа беа присутни на „Олд Трафорд“ и имаа причина да бидат задоволни од она што го видоа на теренот, но исто така го искористија самиот финиш на натреварот за да му посветат навредливи песни на Жозе Мурињо.

Португалскиот стручњак секако ја разбра пораката од тифозите од Италија и им одговори со зајадлива гестикулација и покажување на три прста, па како што можеше да се претпостави, менаџерот на Јунајтед одговараше и на оваа тема за време на пресот по натпреварот.

Покрај тоа што имаше пофалби за играчите на Јуве, Мурињо призна дека неговите три прста се однесувале за историската триплета која ја освои Интер во 2010 година, достигнување кое според него многу ги погодило сите во Торино.

– Мојата порака беше јасна, тоа беше очигледен одговор. Воочливо е дека тие не ме сакаат, а исто така јасно е дека најтежок момент за нив беше нашата тројна круна во Италија. Се е во ред, тоа е меѓу мене и фановите. Со клубот, тренерите и останатите имаме апсолутен взаемен респект, се е во најдобар ред, – истакна Мурињо.

The post ВИДЕО: Мурињо е тоа – гестикулацијата со која ги поздрави фановите на Јувентус е „едно нешто“ appeared first on Галама.

Македонската фудбалска репрезентација го претрпе првиот пораз во квалификациите, откако во нервозен и полемичен натпревар загуби од Ерменија во Ереван со 4-0 (1-0). И покрај поразот Македонија се наоѓа на чекор до првото место во групата во Лигата Д на Лигата на нации.

Ангеловски го измени тимот и формација во споредба со дуелот со Лихтенштајн, и Спировски, Адеми, Ристевски и Ристовски почнаа првата минута. Ерменците се потпреа на многу млад тим и Барсегјан и Хамбарџумјан останаа на клупата. Домаќините почнаа агресивно и преку Адамиан први се заканија.

Во 12. минута Маркос Пицели се одлучи на удар со левата нога, топката доби необично ефе, иако ударот беше централен, го изненади Димитривески, кому топката му падна од рацете и заврши зад гол-линијата (1-0).

Пет минути подоцна закана дојде и од Хвханисиан, но неговиот удар Муслиу го блокираше во корнер. Во 17. минута сериозно се повреди стрелецот на голот и на негово место во игра влезе Григориан. Првата наша вистинска закана дојде во 26. минута, кога Пандев го проигра Барди, овој беше срушен во казнениот простор, но шведскиот судија Мартин Стромбергсон не ја прекина играта, туку им додели два жолти картони на наши репрезентативци заради приговор (Горан Пандев и Стефан Ристовски).

Точно по половина час Ерменците двапати се заканија, но Димитриевски и среќата беа на наша страна. Алиоски возврати со удар од далечина, но биеше високо преку голот на Аирапетиан. Во шестминутното судиско надополнување, Пандев го послужи Ристовски, кој со глава биеше над домашниот гол. Ерменците играа подобро во првиот дел, но нашиот тим е сериозно оштетен за најстрога казна.

И вториот дел Ерменците го започнаа подобро и двапати се заканија со удари по земја. Во 56. минута пречката го спаси Столе Димитриевски по ударот на Михтариан во пречката. Една минута подоцна Ангеловски го повлече Спировски и шанса му даде на Елмас. Веднаш младиот фудбалер на Фенербахче упати удар по средината на голот, па Аирапетиан боксуваше во поле.

Нашата игра почна да добива физиономија и Барди директно од слободен удар во 62. минута малку недостигаше да израмни. Илија Несторовски влезе на местото на Барди и со супер-офанзивен тим влеговме во последната четвртина од натпреварот. Трајковски прекрасно пласираше во 65. минута, но Аирапетиан со парада спаси израмнување.

Кога не ги искористивме шансите, Ерменија од уште еден подарок ја зголеми предноста. Димитриевски и потесната одбрана пак погрешија во комуникацијата, Ерменците брзо проиграа по десната страна, Михтариан додаде, а Мовсисиан само ја втурна топката крај немоќниот Димитриевски (2-0).

По примениот гол во нашиот најпозитивен момент, нашата игра се распадна, ниту влегувањето на Хасани не донесе промена. Напротив, примивме уште еден гол, пак по грешка на голманот Димитриевски. На осум минути до крајот Газариан од слободен биеше по земја, нашиот голман пак ја испушти топката и таа заврши зад неговиот грб (3-0).

Во судиското надополнување заради втор жолт картон исклучен беше Елмас. Најдобриот ерменски фудбалер, Хенрик Михтаријан, магично го изведе слободниот удар, под живиот ѕид и во 93. минута ги постави финалните 4-0.

По 16 месеци без пораз, Македонија загуби во Ереван, со резултат поубедлив од поразот на Ерменците минатиот месец во Скопје

The post ВИДЕО: Македонија го има најлошиот голман во светот -голема бламажа и срамен пораз од Ерменија appeared first on Галама.

Македонскиот голман Столе Димитриевски не успеа да ја одбрани првата топка во рамки на неговиот гол од Ерменците и со кикс му подари погодок на противникот, во воведнтие минути од мечот.

Пицели одзеде топка на триесетина метри од голот, а потоа се доближи, си создаде простор и силно биеше. Димитриевски ја имаше топката в раце, но ја испушти во голот и дозволи водство за Ерменија.

Овој момент потсетува на Лорис Кариус, Германскиот голман кој минатата сезона во финалето на Лигата на шампионите, бранејќи го голот на Ливерпул прими комични голови од Реал Мадрид.

The post ВИДЕО: Катастрофална грешка на Димитриевски – македонскиот голман како аматер appeared first on Галама.