Замислете да се разбудите наутро во топол семеен дом, опкружен со вашата мајка, сестра и татко, а навечер, вашиот живот станува ноќна мо-ра.

Да, за само неколку месеци, од добростоечко семејство, иако си малолетник, мора да се грижиш за своето семејство и да молиш на улиците.

За Алберт Матиќ, сега деветнаесетгодишник од Белград, ова не беше сон од кој се разбуди испотен и исплашен, туку реалност која успешно ја надмина благодарение на неговите напори и помошта на другите.

Како што рече во интервју за ТВ Прва, животот на неговото семејство се сменил преку ноќ кога неговата мајка завршила зад решетки.

“Имавме пари, имавме услови за подобар живот, сè додека не и се случи тоа на мајка ми. Кога се случи, тогаш сè некако се распадна, како што велат, помина низ вода. Татко ми нас не пресели кај тетка ми во Костолац, а тој дојде во Белград да работи “, рече тој на почетокот на разговорот.

Денес, овој млад човек сам плаќа за сопствен стан, го заврши основно училиште и сега оди во средно образование „Вожд“ во Вождовац. Сепак, патот до тоа не беше лесен, туку напроти тежок.

Од улицата каде молеше, за да им помогне на семејството и маќеата, кои беа со лошо здравје, тој и неговата сестра дојдоа во центарот за интеграција на младите, каде конечно го добија потребното за нормален живот, облека, храна, грижа и поддршка.

“Ме мотивираше мотивацијата дека еден ден нашата мајка ќе дојде да биде со нас, и дека еден ден сите ќе живееме среќно заедно. Центарот за социјална работа не ни пружи помош во тоа време, па слушнавме за Центарот за интеграција млади луѓе кај Звездара и почнавме да одиме таму за да добиеме топол оброк, облека и работи за на училиште “.

Поддршката што ја доби таму му помогна да се запише во средно училиште, како и да ја добие својата прва работа во угостителската индустрија.

„Бев пресреќен, тогаш сфатив дека има добри луѓе кои го сакаат најдоброто за луѓето, не знам како да се изразам, кои не се навистина расипани.

Алберт денес работи две работни места, од кои плаќа кирија за стан, а во исто време оди во средното училиште „Вожд“, насока подготовка на храна. Во текот на својот живот, тој има еден сон што го води – неговото место.

„Единствена моја желба, единствен сон е да отворам сопствен бар, свое кафуле и на тој начин да им помагам и на другите“, вели Алберт за ТВ Прва.

The post Имал нормален живот, но преку ноќ останал на улица: Младиот Алберт проговори низ што поминал appeared first on Галама.

Тлото во Хрватска никако да се смири, а регионот кај Сисак и Петриње повторно не мирува, па жителите на овие градови и понатаму немаат мира.

Ситуацијата е тешка во овие делови, а помош пристига од сите страни. Голем број волонтери се на терен и помагаат. А имаше и понатаму има и од Македонија.

Меѓу првите беше Александар Горгиевски, поранешен пожарникар од Штип кој беше во Петриње и асистираше на тамошните волонтери во справување со ситуацијата.

Таков е и примерот со Александар (27) и Мартин (23) Маневски од велешко Башино Село, кои работат во местото Лошињ на истоимениот хрватски остров во Кварнерскиот Залив.

Тие наместо да заминат дома за Нова година и Божиќ, одлучија да бидат во Петриња и да помагаат во градот и на жителите..

Заминале со 20-тина пријатели од градот Лошињ, работеле на уредување стан и да ги санираат неговите кровови, каде сега веќе се сместени две фамилии со мали деца.

Пораки со поддршка за тамошните жители пристигаат од сите страни, а многу Македонци, како од државниор врв, приватните фирми и поединци веќе пратија и помош за Хрватска.

Познатиот македонски шоумен, глумец, забавувач, ТВ-водител, музичар, писател, режисер на музички спотови и текстописец, Игор Џамбазов ова утро беше особено емотивен.

Како и секогаш Џамбазов беше уникатен и со својот пост предизвик емоции кај многумина откако објави фотка со девојче од Хрватска и притоа даде опис за што станува збор

-Дечки, ова е мојата драга Ива Радељевиќ вљубеникот во Македонија, нејзината историја и култура, а особено во нашиот македонски јазик, кој го совлада во рекордно време, и го зборува поарно од многумина кои се родени овде.

Таа живее во Лекеник, Хрватска, на само 15 километри од Петриње, каде што земјотресите беа не милосрдни. Темелите на нејзиниот дом полека попуштаат од стотиците потреси во таа област.

Мила Ива, моите следачи и јас ти посакуваме да бидеш кул, каква што инаку и си. Лошото ќе помине, спокојот ќе се врати, твојата љубов кон Македонија ќе остане, исто како и нашата љубов кон тебе. Таа е безгранична…

The post Џамбазов утрово упати силна порака до Ива од Хрватска appeared first on Галама.

Двоецот Зоран Василевски кој во јавноста е попознат како Зоки Фаци и водителката Лила Филиповска долги години важат за големи пријатели, а нивните дружи често се овековечуваат со некоја фотка и видеео.

И двајцата се успешни и познати во работите што ги работат, а Зоки Фаци важи за еден од најпознатите македонски естрадни новинари и човек кој секогаш отворено го кажува она што го мисли.

Популарниот Зоки Фаци каде и да се појави привлекува внимание, а има и зошто. Во неговото новинарско сиже, под лупа се сите познати македонски јавни личности, пред сè од естрадата, пејачки, водителки и манекенки.

Познато е дека естрадниот новинар и ТВ водител Зоран Василевски попознат како Зоки – „Фаци“ нема среќа со медиумите

Од печатениот збор (беше новинар на „Вест“) своевремено се префрли на електронските медиуми. Арно ама „А1“ ја растурија, кабловската „Џангл ТВ“ пропадна, а и со последната „1ТВ“, Фаци немаше среќа.

Народот вели кој нема среќа во работата има во љубовта. Зоки – „Фаци“ секојдневно можете да го видите што по скопските локали, што на социјалните мрежи, како гушка и бакнува прекрасни убавици. Некој ќе рече девојките сами му се лепат на „харизматичниот“ водител.

„Мојата мотивација е сонцето и позитивната мисла, креативноста ја црпам од позитивната енергија.

За Лила не се потребни зборови да се трошат, па таа освен што е водителка и добро познато лице на тв камерите преку шоуто Се или ништо, таа важо за водечка инфлуенсерка во нашата држава.

Лила Филиповска е докажен вистински љубител на животните. И тоа од сите видови и врсти.

И домашни и диви. И месојади и тревопасни. Впрочем, на сите им е добро познато дека Лила дома чува маче. Или поточно мачор… Рагнар.

Дека од домашните животни само мачињата и кучињата не и се на дофат, Лила покажа неодамна, кога со колегата Зоки Фаци, кој патем е голем љубител на јавањето, се дружеше со малото магаренце или поточно магарица Тики. Тогаш водителката потврди дека колку што таа ги сака животните, тие неа ја сакаат двојно повеќе.

Зоки Фаци инаку по професија е ветеринар, па јасно е од каде ја има таа љубов кон животните. Тој вчера беше во посета на домот на Лила каде што се забавуваше со нејзиниот мачор, но и ја пофали Лила како добра домаќинка и покажа што сервирала на маса и со што го пречакала.

The post (ФОТО) Лила се покажа како добра домаќинка – Зоки Фаци се пофали како го пречакала appeared first on Галама.

Телевизија Алфа емитуваше сторија за семејство од Охрид која буди силна емоција кај секој оној што ја погледнал.

Силен стисок на рака, посилен од секој изречен збор. Очи полни солзи, поглед кој искажува неизмерна благодарност- Божиќните ѕвона ја пробудија изгубената надеж, на охридското семејство Лазарески. Тие се молам за здравјето на нивниот 11 годишен син Борче кој има вродена срцева аномалија.

Боли мајчиниот лелек за момчето чии чекори се се’ потешки,не може со леснотија и безгрижно да претрча преку куќниот праг, бидејќи како што расте,с имптомите на срцевото заболување се се ‘ посериозни.

Тешко е да се биде мајка на чедо кое не знае што ќе му донесе утрешнината-вели 41 годишната Сања која е телесен инвалид, исто како и нејзиниот сопруг Перо кој работи како таксист, а она што ќе ги спечали е единствениот прилив на сретства во касата на ова скромно семејство.

200 денари на ден.Колку Ви стигаат тие пари? Само за децава.И тоа само за основни намирници? Само за леб. Ништо,ништо не земаме од државата. Имате поднесено за социјална помош? Порано,ама не одбија-вели Сања Лазареска.

Едвај врзуваме крај со крај, вели Перо и извади од џебот 140 денари, еве вели колку пари денес донесов дома. Месечно заработувам околу 6.000 денари,раскажува,а тоа не стигнува за да се подмират давачките и да се прехранат 5-те гладните усти,оти покрај Борче, тие имаат уште две деца-14 годишна ќерка и 18 годишен син.

На 23-ти овој месец Борче го чека уште една контрола, доколку е потребно да се направи операција, без размислување ќе го продадеме станот во кој живееме и ќе останеме без покрив над глава-вели Перо, чии зборови како камења паѓаат од душа.

Имало моменти, се случувало кога треба да одиме на контрола или во болница да го носиме, да немаме дома да јадеме леб.Ама јас ако треба место 10 часа, 15 ќе работам, ама другите деца да не го почувствуваат тоа.Тие се премногу скромни, особено ова дете што е со здравствен проблем, немам збор за него тој и на чоколадо од 20,30 денари е преблагодарен-вели Перо Лазарески.

Свиен за мајчините раце, Борче ја испрати екипата на Алфа со широка насмевка и топли детски очи. Ведрите насмеани лица на 3 –те деца и даваат поттик Сања да ја подготви скромната божиќна трпеза.

“Ви Благодараме, Бог само убавини да ви даде “.

Охриѓани покажаа дека имаат благородна душа,да му помогнеме на Борче да ја извојува животната битка и со смеа и радост,миговите да ги поминува опкружен со врсниците,оти парите не го чинат човека богат- туку племенитото срце.

Трансакциона сметка:500600020008381

Целата сторија со видео прилог може да се проследи на ТВ Алфа.

The post Перо Лазарески од Охрид: Ако треба ќе го продадеме станот само да го спасиме синот Борче appeared first on Галама.

Само оној што го искусил навистина може да ме разбере. Голем дел од луѓето ми велат ајде па ти, не се нервирај за таа работа, само здравје да имаш.

Е не е така, само јас си знам колку ми е тешко однатре. За сите овие 26 години како работам во Лондон ниеднаш ми се немаше случено ова. Ама што да правам, таква ни е реалноста сега. Сите ние што сме во странство настрана од нашите фамилии си знаеме како ни е.

Мене ми е особено тешко затоа што сум неженет и дома ме чекаат само родителите. Сестра ми е мажена, а тие живеат сами од пензијата и чекаат јас да им пратам по некој денар. За првпат по толку години Бадник ќе го дочекам многу далеку од семејството.

Се сеќавам кога бевме малечки, татко ми работеше како шофер и се случи на ваков ден да не успее да се врати дома. Јас и сестра ми се искинавме плачејќи од жал за него. Е сега сум во скоро иста ситуација само од негов аспект.

Си велам дека барем немам дечиња кои така би се растажиле за мене. Ама старата мајка уште повеќе тагува по мене. И таа сака да ги пробам нејзините традиционални јадења, топло лепче, зелниче, баклава, од се’ што спремила. Пријателите што се овде мои колеги ме тешат дека заедно ќе го поминеме иако некои од нив имаат сопруги.

Ама јас не можам некому да му влегувам в куќа баш на овој ден. Глупо ми е, затоа со уште еден колега сами во станот ќе го поминеме празников. Најголема штета е за вакви убави празници да не можеш дома да си бидеш.

Иако бев во неизвесност сепак, имав надеж дека ќе можеме да се вратиме дома. Ама ете, поради затворените граници останав тука. Ми ср плаче и постојано мислам на моите долу.

Тие ќе делат лепче и за мене и сигурен сум дека и на нив овој ден ќе им биде најтежок како мене. Сите што ми велат дека не им недостасува домот на овој ден и дека не им е до толку за жалење што нема да бидат дома, лажат. После толку време поминато далеку од дома нормално дека на сите ни фали домот и родителската прегратка.

Секојдневно ме фаќа носталгија за дома и се натажив уште кога слушнав дека за Нова година и празниците нема да може да се враќаме дома.

Се надевам барем наскоро да се подобри ситуацијата па следните големи празници да ги дочекаме дома. Не се издржува веќе овде, се’ едно исто е. Нема каде да се шета, работам во еден магацин, но моментално имам одмор.

Како што осамна денот и сфатив дека сум сам на ваков голем празник и нема да го дочекам со софра јадења нема да се срамам но се расплачав. Посакувам веќе никој да не мора да го доживува тоа што го доживуваме ние во странство. Друго е да живееш со фамилија овде, ќе седнеш на маса, ќе го одбележиш денот, но сам е многу тешко.

Колку и да сакам едноставно немам волја ништо да правам. Мислам дека дефинитивно ќе почнам да размислувам да се оженам. Не можам веќе да издржам сам. Ако треба и во Македонија ќе се вратам, колку-толку имам заштедено. Моите родители се стари веќе и не знам уште колку ќе живеат.

После тоа ќе ми биде уште потешко без нив и пак ќе се растажувам околу спремањето на софрата. Барем и нив да ги усреќам малку, дури можат да се порадуваат на внучиња. Ако ништо друго барем имав доволно време да размислувам и ми се отвори умот за оваа работа.

Па како ќе биде така, ако имам среќа ќе најдам да се оженам. Ви посакувам сите убаво да си ги поминете празниците, во своите домови, со своите најблиски и да го цените времето поминато со нив. Ние што толку време го чекаме овој ден, ете не можеме.

Обработи: С.С. Фото: Илустрација

Името и презимето познати на редакцијата. Не смее да се реемитува на други портали без одобрение од редакцијата на Галама.

The post Лазар кој работи и живее во Лондон: Денес ми е најтешкиот ден во животот, ми се плаче appeared first on Галама.

Денес е еден од најголемите празници за православните христијани, денес се одбележуваа Бадник, денот пред христијанскиот празник Божиќ, раѓањето на Исус Христос.

Според христијанската традиција, првите гласници на празникот се коледарите, децата кои ја носат веста за доаѓањето на празникот Божиќ, кои в зори тропаат на вратите на домаќинствата, најавувајќи го празникот и за тоа се дарувани.

На Бадник завршуваат Божиќните пости. Христијанските семејства за Бадник се собираат во вечерните часови околу заедничка Бадникова вечера, и според традицијата, оваа вечер не се оди на гости.

Познатиот македонски новинари и водител, Јанко Илковски кој во јавноста е познат како Јанко Јади Бурек попладнево се огласи на социјалните мрежи на темата Бадник.

Популарниот Јанко Јади Бурек на својот профил на фејсбук сподели статус во кој што вели:

-По 6 милијардити пат … Паричка се врти на и само и исклучиво на Василица, во спомен на чудото на Свети Василиј. Крај!

Како традиција го пренесувам веќе 4 генерации од стари скопјани, маџермаалци, кои секогаш, со децении се собиравме кај дедо ми у куќичката. Постарите пиеја ра кија и јадеа пача, јас бутав од прекрасните слатки – василици.

Секако, и погачата, осветена, со паричка и спомнуваме дека ова го правиме во спомен на чудоти на Свети Василиј … и така до полноќ кога си честитавме Нова Година и јас добивав пакетче. Така сум учипен, како што е и по традиција и вера.

Се друго е лична, новокомпонована забава за “млади” кои немаат допирна точка со вера и религија, кои можат и ог-нови да си па-лат и голи да играат околу него, можете да славите и вртите и среде лето.

На Бадник никогаш не било и нема да биде и не може да биде, но тоа не ве спречува да го правите и терате инат со верата и традицијата на вашите предци и Свети Оци.

Само молам прескокнете ме мене, не замерам никому, нека си прави кој како сака, но не ме вовлекувајте и убедувајте во нешто што не е! Се најдобро!

The post Јанко со порака за Бадник: Не ме убедувајте во нешто што не е така appeared first on Галама.

Еден од најпознатите македонски музички брачни парови, Татјана Лазаревска и нејзиниот сопруг Новица веќе шест години живеат во Мелбурн, Австралија, заедно со двајцата синови, Петар и Стефан.

„На Водици, 20 јануари 2015, јас, сопругот Новица и двата сина се преселивме во Австралија. Имавме храброст за тоа. Иако во Македонија имавме пристоен живот, ни фалеа уште некои работи за да имаме навистина квалитетен живот“, раскажа фолк-пејачката Татјана Лазаревска при едно интервју.

Лазаревска откри тогаш дека работи како воспитувач во градинка, а Новица вози училишен автобус.

„Вистинска причина за тоа што го одбравме Мелбурн е тоа што имаме повеќе пријатели кои ни помогнаа околу адаптацијата, а климата овде е слична на нашата во Македонија. Поточно, на нас не ни е важно каде сме туку со кој сме.

Генерално, овде во Мелбурн не е толку бурно како во Македонија. Постојано комуницирам со мојата мајка, со нашите блиски и навистина многу сме загрижени. Овде не е така, овде е порелаксирано“.

И еве сега работам како учиталка во градинка и ми е интересно да работам со деца. Секој ден со ново искуство и така заборавам на се’ што се случува во светот“.

Со многу труд и посветеност, фолк-двојката успеа да дојде до свој дом во Австралија, лани тие купија куќа во Мелбурн.

Во куќата уживаат со синовите кои исто така имале голема желба да ја купат токму неа. „Петар и Стефан се веќе големи момчиња. Петар се занимаваа со кошарка, игра за репрезентација на „Викторија“ а Стефан кошарката сѐ уште му е како хоби, заедно со австралискиот фудбал кој многу го сака и постигнува одлични резултати.

Сѐ на сѐ ние сме едно среќно семејство богато со пријатели и луѓе кои ја сакаат нашата енергија и песна“, рее Татјана за синовите.

Татјана од својот дом неодамна се вклучи во утринската програма „Ја сакам Македонија“ и истакна дека периодов го поминува во домашна атмосфера со добра музика, филмови, играње на карти.

Со оглед на временската зона и тоа што Австралија е неколку часа понапред, во домот на Татјана и Новица веќе се прослави Бадник.

„Еве како одеа подготовките за Бадниковата вечер, мајка ме научила“, напиша Татјана на својот профил на фејсбук.

Претходно Татјана сподели фотографии и исто така напиша:

„Нека бадниковата вечер избрише се што треба да се заборав, а Божиќното утро нека осветли подарок исполнет од здравје среќа мир и љубов. Паричката е кај Стефан“.

The post Познатата македонска фолкерка покажа како меси (ФОТО) appeared first on Галама.

Емилија Розман важи за една од најубавите Македонки. Мисица, манекенка, топ модел која е навистина згодна и убава.

Таа стана актуелна во медиумите повторо откако во средината на јули му кажа „да“ на своето момче, Стефан Ангеловски, но набрзо стави крај на оваа љубов.

Имено, по свршувачката, таа за домашните медиуми раскажа дека со Стефан се знаеле едвај неполни два дена и тој ја побарал за сопруга.

Но, љубовта на прв поглед не траеше долго. Мисицата Розман после неколку недели од интимната романтичното запросување, „се разведе“ од својот невенчан сопруг.

Некои ќе кажат „Се што е слатко, трае кратко“, но и за оваа таа сподели интересна порака на Инстаграм.

„Парови се гледаат по 10 години, па се венчаат и по една година се разведуваат. Тотални страници спијат заедно уште на првиот состанок и сега прославуваат 15 години од брак.

Некои се мажат по шест месеци и се уште се во среќен брак. Нема формула за ова. Прави го она што те прави среќен“ – посочи Емилија.

Розман на социјалните мрежи често споделува емотивни статуси за својот татко кој за жал повеќе не е помеѓу живите.

Таа беше приврзана многу за својот родител, а тоа го докажува уште еднаш со последната објава на социјалните мрежи каде што Розман сподели заедничка слика и притоа напиша:

-Животот би си го дала да можам уште еднаш да ти се качам на глава. Ама ми го нема веќе светот мој… Празниците се за да не потсетат колку е важно семејството и колку се важни луѓето кои ги сакаме.

Гушнете ги и кажете им колку ви се важни и колку ги сакате, пред да биде доцна. Мене бар за една работа никогаш нема да ми биде жал. Тато знаеше дека е најсаканата личност на светот!

Потрудете се сите кои ги сакате да го знаат и цврсто да се убедени во тоа. Сакајте се, како што јас го сакав, го сакам и ќе го сакам тато, повеќе од себе, до крајот на вечноста

The post Емилија Розман: Сè би дала да можам уште еднаш да ти се качам на глава appeared first on Галама.

Таа е добро познато име и презиме на македонската јавност, актерката Весна Петрушевска која се прослави со прекарот Бејби е една од оние наши јавни личности што секогаш отворено зборуваат на многу теми.

Петрушевска ја започна својата актерска кариера на 14 години, кога го имала првиот настап во македонскиот театар. На 16 години веќе го имала своето прво ток-шоу на МРТВ кое се викало „Пулсирање“.

Подоцна го започнала својот најуспешен ТВ-проект, ток-шоуто „Вртелешка“, коe се емитувало неколку години, а потоа следувало и краткотрајното ток-шоу „Вечер со Весна“.Таа исто така глумела во неколку претстави во различни македонски театри, меѓy која е и „Брачна игра“ заедно со Игор Џамбазов.

Популарната Бејби Петрушевска најмногу јавноста ја познава во улогата на водителка на нејзиното ток-шоу „Вртелешка“, кое во минатото достигна голема популарност и се емитуваше со години на македонските телевизии.

Петрушевска глумела во голем број македонски театарски претстави меѓy кои се: „Кој се пла­ши од Вир­џи­ни­ја Вулф“, „Ва­ги­нал­ни мо­но­ло­зи“ и нејзината најпозната претстава: „Гос­по­ѓа Ми­ни­стер­ка“, која е изведена над 150 пати. Исто така, играла во филмот Контакт, македонскиот кандидат за најдобар странски-филм на Оскарите во 2007 година.

Сега Петрушевска, со многу љубов работи со децата од нејзината актерска школа Весна Петрушевска, а дел од нив глумат и во популарната детска серија „Дајте музика“.

„Јас постојано велам дека сум мажена за своите деца. Не дека очекувам орден, напротив јас учам да бидам родител секој ден. Учам од своите деца, учат тие од мене.

Слушам многу музика, постојано читам, вистински љубител на филмови и серии, зависник на Нетфликс. Ако ме прашуваш за приватниот живот, секогаш велам дека од утре ќе се бавам со него. Бргу ми здосадуваат работите“, кажа Бејби во едно интервју.

Весна летово својот син Кирил го испрати на школување во Америка. Кирил сега живее во Хјустон. Некој брои гласови, некој денови…родителот треба да е лакот, а стрелата вашето дете.

Па така Бејби сега живее со ќерката Мина, за која е многу врзана. Мина е член на актерската школа на Весна и глумеше во тинејџерската серија „Гласна куќа“.

Бејби е доста емотивна личност и носталгична што го потврди со последната објава на својот профил на фејсбук каде што вели:

-Oваа снимка не сум ја видела од тогаш…Награда на “Вечер” доби Тоше за најдобар пејач. Верувале или не, гласаа читатели со писма (купончиња исечени да си заокружат лик).

Таа вечер Тоше убедливо победи во својата категорија. Владо Јаневски беше фаворитот. Ама тоа беше време без местенки. Се сеќавам колку писма имаше во редакција за време на подготовките оти го водев настанот.

Мина ја гледа снимкава и вика: Немало поубав! Грутка деновиве, само ми излегува нешто за него….

The post Весна Бејби: Во тоа време немаше местенки appeared first on Галама.

Лидија Јецки на својот профил на фејсбук сподели апел за помош на момче од Кочани кое живее во буквално никакви услови:

„Иле, 26 години, кожа и коски …. Кочани, Македонија. Иле немаше добро детство. Тој бил земен од неговата мајка и однесен во домот за децата. Бидејќи мајката била психички неспособна сама, а немал татко да го чува. Секој може да замисли што значи тоа за нежна детска душа.

Како 18-годишник, тој мораше да се пресели таму и одеднаш беше сам со себе. Неколку години живеел во главниот град, но неодамна се врати во својот роден град во стара куќа во сопственост на неговата мајка. Мајката наместо таму, таа е сместена во клиника за ментално здравје.

Неговиот дом, ако може да се нарече така, е полн со смет, не може да се снајде сам да направи ред, му треба помош. Пред шест месеци побарал помош од социјалните служби, но ништо не се случило до овој ден!

Тој веќе носи сè што поседува од облека. Кошула со кратки ракави, стари пантолони, палто старо околу 50 години, како и чевлите што ги носи.Тој има ск ршен кревет, нема вода, нема греење.

Плинското од 4 килограми му било украдено затоа што нема клуч од бравата на влезната врата. Еден сосед и активист за правата на животните го забележал Иле откако тој зел куче и нејзините 2 бебиња со себе внатре во домот за да не замрзнат или гладуваат надвор иако и тој не се чувствува добро.

На новогодишната ноќ, овој сосед го покани на чај за да може да биде барем неколку часа на топло и да не биде сам. Му дала прибор за јадење, две чинии, две чаши, како и две чаши масло. Тој може барем да направи супа или чај на мал шпорет за кампување.

Таа му донесе сирење и храна за кучињата. Неговата реакција со солзи радосници во очите: благодарам, немав пробано сирење 5 години. Дали вака треба да биде и во 2021 година?

Додека ние овде во Германија сме со прекумерна тежина и всушност живееме во луксуз, фрламе намирници, купуваме прескапи божиќни подароци и често сме премногу скржави за да донираме само 1 €, тој скоро гладува, но исто така им помага на животните и го споделува она што малку тој има со нив.

Срам за нашиот народ, затоа што претежно замижуваме на вистината. Денес е Бадник во Македонија по православната вера. Иле нема убаво украсено зимзелено дрво, а особено нема подароци одоздола, нема камин за загревање.

Ги има само кучињата и соседот кој му помага што почесто со храна за него и четириножните пријатели. Патем, кучето мора да се стерилизир, а сите три кученица мора да бидат вакцинирани за да останат здрави.

Се надевам дека одвоивте време да го прочитате текстот до крај. Сега погледнете ги повторно фотографиите. Но, погледнете ги фотографиите со кучињата кои гледаат во него со љубов и колку среќен изгледа дека е во овој момент.

Затоа, ги замолувм сите што имаат дури и малку хуманост во своите срца … ајде да му помогнеме на овој млад човек. Ве молам.

Ако сте подготвени да помогнете, следете го линкот подолу.

Затоа, ги замолувам сите оние кои носат дури и искра хуманост во срцето….. да му помогнеме на овој млад човек. Те молам, те молам!“

Во едно од видеата што се сподели на постот Иле вели:

-Јас сум Илија Крстев роден 1994 година во Кочани. Живеев во домот за деца без родители во Скопје 11 октомври, а подоцна и во 25 мај. Сега дојдов тука за да ја кренам куќата, поднесов за социјална помош, но чекам шест месеци. Желба ми е да најдам работа нешто.

Сите кои сакаат да му помогнат на Иле, тоа можат да го направат ТУКА

The post (ФОТО) Солзи ќе ви потечат кога ќе видете каков живот има 26-годишниот Иле од Кочани appeared first on Галама.